ក្រុមហ៊ុនកាមេរ៉ាមួយ បញ្ចេញលក់ទូរសព្ទជំនាញខាងថតរូប
- 2018-05-21 08:14:14
- ចំនួនមតិ 0 | ចំនួនចែករំលែក 0
ក្រុមហ៊ុនកាមេរ៉ាមួយ បញ្ចេញលក់ទូរសព្ទជំនាញខាងថតរូប
ចន្លោះមិនឃើញ
ទូរសព្ទ Kodak Ektra ដែលមានជំនាញខាងថតរូប ត្រូវបានប្រកាសចេញលក់ជាផ្លូវការ ដោយក្រុមហ៊ុន Kodak ។ កាមេរ៉ាទូរសព្ទនេះ ត្រូវបានយកលំនាំតាមកាមេរ៉ាអាជីព ម៉ូដែល Ektra ដែលត្រូវបានប្រកាសចេញកាលពីឆ្នាំ១៩៤០។
ការថតរូបលើទូរសព្ទនេះ មានលក្ខណៈចម្រុះច្រើនបែប ដោយអាចកំណត់ជា ការថតរូបមនុស្ស ការថតកីឡា ការថតព្រាលក្រោយ ការថតពេលយប់ ការថតបែប HDR ការថតបែបធំទូលាយ ការថត វត្ថុតូចល្អិត ការថតទេសភាព និងការថតវីដេអូ។
ចំពោះរូបរាងខាងក្រៅ Kodak Ektra ត្រូវបានផលិតឡើងដោយស្បែក ដើម្បីផ្ដល់ភាពងាយស្រួលក្នុងការចាប់កាន់។ ចំណែកអេក្រង់ខាងមុខ មានទំហំ ៥អ៊ីញ កម្រិត Full HD ជាប្រភេទចុចលើអេក្រង់។
រីឯកាមេរ៉ាខាងមុខ មានទំហំ ១៣មេហ្គាភីកសែល កម្រិតបើកចំហ Aperture ដើម្បីចាប់យកពន្លឺបានដល់ f/2.2 ។ យ៉ាងណាមិញ កាមេរ៉ាខាងមុខរបស់ Kodak Ektra មិនមានមុខងារជួយធ្វើឲ្យមុខស្អាត ម៉ត់រលោង ឬមុខងារបញ្ញាសិប្បនិម្មិត (AI) សម្រាប់ជួយកែរូបថត ដូចស្មាតហ្វូននាពេលបច្ចុប្បន្នឡើយ។
Kodak Ektra ប្រើប្រាស់បន្ទះឈីប MediaTek Helio X20, RAM ទំហំ 3GB និងអង្គផ្ទុកទិន្នន័យ 32GB ។ ថាមពលថ្ម មានដល់ 3000mAh ហើយបច្ចុប្បន្នកំពុងត្រូវបានដាក់លក់នៅលើទីផ្សារប្រទេសវៀតណាមក្នុងតម្លៃត្រឹមតែជិត ៣០០ដុល្លារប៉ុណ្ណោះ៕
រូបរាងទូរសព្ទ Kodak Ektra
រូបថត៖ Zing