សម្ដេច ហ៊ុន សែន ប្រាប់ឲ្យក្រុមកីឡាករកម្ពុជា ចងចាំទ្រឹស្តីចំនួន២

2018-05-22 12:01:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

សម្ដេច ហ៊ុន សែន បានប្រាប់ឲ្យក្រុមកីឡាករកម្ពុជាទាំងអស់ ត្រូវចងចាំទ្រឹស្តីចំនួន២ ដែលទីមួយ គឺជាទ្រឹស្ដីយោធា និងទីពីរ គឺជាទ្រឹស្ដីកីឡា។ ការបញ្ជាក់ប្រាប់របស់ប្រមុខរាជរដ្ឋាភិបាលកម្ពុជា ទៅកាន់កីឡាករកម្ពុជា បានធ្វើឡើងក្នុងពិធីសំណេះសំណាល និងប្រគល់ប្រាក់រង្វាន់ដល់ក្រុមប្រតិភូ គ្រូបង្វឹក និងកីឡាករ-កីឡាការិនីកីឡាតេក្វាន់ដូ ITF កម្ពុជា នៅល្ងាចថ្ងៃទី២២ ខែឧសភា ២០១៨នេះ។

សម្ដេច ហ៊ុន សែន ថ្លែងនៅវិមានសន្ដិភាព នាពេលកន្លងមក

សម្ដេចនាយករដ្ឋមន្ត្រីបានថ្លែងប្រាប់ទៅក្រុមកីឡាករថា យោងតាមទ្រឹស្ដីយោធា "**បើសិនជាអ្នកមិនខិតខំបង្ហូរញើសនៅទីលានហ្វឹកហាត់ទេ អ្នកនឹងត្រូវហូរឈាមនៅទីលានប្រយុទ្ធ**"។ ចំណែកទ្រឹស្ដីកីឡាវិញ "**បើអ្នកមិនប្រឹងហ្វឹកហាត់នៅកន្លែងហ្វឹកហាត់ទេ អ្នកនឹងបរាជ័យនៅទីលានប្រកួតតែម្ដង**"។

សម្ដេច ហ៊ុន សែន បានបន្ថែមថា ទ្រឹស្ដីទាំងពីរនេះ ក្រុមកីឡាករគ្រប់ប្រភេទទាំងអស់របស់កម្ពុជា ត្រូវតែមានការចងចាំ។ សម្ដេច ហ៊ុន សែន ក៏លើកឡើងដែរថា សម្ដេចមានមោទនភាពចំពោះក្រុមកីឡាករកម្ពុជា ដែលមានការអភិវឌ្ឍពីកម្រិតមួយ ទៅដល់កម្រិតថ្មីមួយទៀត ក្រោមការខិតខំរបស់ក្រុមកីឡាករ និងសហព័ន្ធកីឡាទាំងអស់៕