ទុរេនថៃ នាំចេញទៅចិន កើនឡើង ៧០០% ក្រោយចុះកិច្ចព្រមព្រៀងជាមួយ Jack Ma

2018-05-22 14:12:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថៃ បាននាំចេញផ្លែទុរេន ១២ម៉ឺនតោន ក្នុងខែមេសា ឆ្នាំ២០១៨ កើនឡើង ១៣៥% បើធៀបខែមេសា ឆ្នាំ២០១៧ ហើយបើគិតជាទឹកប្រាក់វិញ គឺ ២២០លានដុល្លារ កើនឡើង ២០៧%។ ក្នុងនោះ ទុរេន ៥៦០០០តោន ត្រូវបាននាំចេញទៅកាន់ប្រទេសចិន ដែលស្មើនឹងការកើនឡើងដល់ទៅ ៧០០%។

ទុរេនលក់នៅថៃ

កំណើននៃការនាំចេញផ្លែទុរេនដ៏ច្រើនទៅកាន់ប្រទេសចិននេះ គឺកើតឡើង ក្រោយពីរដ្ឋាភិបាលថៃ បានចុះកិច្ចព្រមព្រៀងជាមួយក្រុមហ៊ុន Alibaba របស់ Jack Ma កាលពីខែមេសាកន្លងទៅ។ កិច្ចព្រមព្រៀងទិញផ្លែទុរេនថៃ យកទៅលក់នៅលើវិបសាយលក់ទំនិញអនឡាញរបស់ Jack Ma នោះ មានតម្លៃ ៤២៨លានដុល្លារ។

ទុរេនដាក់លក់នៅលើវិបសាយ Tmall របស់ក្រុមហ៊ុន Alibaba

បើគិតជារួមវិញ ក្នុងរយៈពេល១ខែដដែលនេះ ថៃបាននាំចេញទំនិញគ្រប់ប្រភេទ ក្នុងតម្លៃទឹកប្រាក់ ១៨,៩៤ពាន់លានដុល្លារ កើនឡើង ១២,៣៤%។ ចំណែកឯការនាំចេញសរុប រយៈពេល ៤ខែដំបូងនៃឆ្នាំ២០១៨ គឺមានតម្លៃ ៨១,៧៧ពាន់លានដុល្លារ កើនឡើង ១១,៥៣%។ នេះបើតាមការឲ្យដឹងពីលោកស្រី Pimchanok Vonkorpon អគ្គនាយិកាការិយាល័យយុទ្ធសាស្រ្ដ និងគោលនយោបាយពាណិជ្ជកម្មថៃ៕

ចុចអាន៖ Jack Ma ទៅដល់ថៃ ដើម្បីចុះកិច្ចព្រមព្រៀងវិនិយោគ ៤ ក្នុងទំហំទឹកប្រាក់រាប់រយលានដុល្លារ!