ដូណាល់ ត្រាំ ព្រមានពន្យារពេលជួបចរចាជាមួយ គីម ជុងអ៊ុន

2018-05-22 22:59:45
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីអាមេរិក ដូណាល់ ត្រាំ បានព្រមានថា ជំនួបកំពូលរវាងរូបលោក និងមេដឹកនាំកូរ៉េខាងជើង គីម ជុងអ៊ុន ដែលគ្រោងធ្វើឡើងនៅខែក្រោយនេះ នឹងត្រូវពន្យារពេល។ ភ្ជាប់ជាមួយការព្រមាននេះ លោក ត្រាំ បានសង្កត់ធ្ងន់ថា មេដឹកនាំកូរ៉េខាងជើងត្រូវតែច្បាស់លាស់ពីការរំលាយអាវុធនុយក្លេអ៊ែរ។

លោក ត្រាំ ថ្លែងទៅកាន់អ្នកកាសែត ក្រោយជួបពិភាក្សាជាមួយលោក មូន ចេអ៊ីន ប្រធានាធិបតីកូរ៉េខាងត្បូង នៅឯសេតវិមាន

ការព្រមាននេះ ត្រូវបានធ្វើឡើងក្រោយលោក ត្រាំ ជួបពិភាក្សាជាមួយលោក មូន ចេអ៊ីន ប្រធានាធិបតីកូរ៉េខាងត្បូង នៅសេតវិមាន កាលពីថ្ងៃទី២២ ខែឧសភា ២០១៨ ម្សិលមិញ។

លោក ត្រាំ ថា "វា [ជំនួបកំពូល] ប្រហែលមិនអាចដំណើរការនៅថ្ងៃទី១២ ខែមិថុនា ខាងមុខទេ... ហើយប្រសិនបើវាមិនកើតឡើងមែន ប្រហែលវាអាចនឹងកើតឡើងនៅពេលក្រោយទៀត"។ ប្រសាសន៍របស់លោក ត្រាំ គឺសំដៅលើជំនួបកំពូលរវាងរូបលោក និងលោក គីម ជុងអ៊ុន ដែលគ្រោងធ្វើឡើងនៅប្រទេសសិង្ហបុរី នាថ្ងៃទី១២ ខែមិថុនា ២០១៨ ខាងមុខនេះ។

លោក ត្រាំ បន្ថែមទៀតថា "វាត្រូវតែមានលក្ខខណ្ឌច្បាស់លាស់នានា ដែលយើងចង់ឲ្យកើតមានឡើង។ ខ្ញុំគិតថា យើងនឹងទទួលបានលក្ខខណ្ឌទាំងនោះ។ ហើយប្រសិនបើយើងមិនទទួលបាននោះទេ យើងនឹងមិនមានការជួបចរចានោះទេ"៕