រដ្ឋមន្រ្តីពាណិជ្ជកម្ម ស្នើឱ្យមានការផលិតទំនិញក្រោមស្លាកសញ្ញា "Make in I-CLMV"
- 2018-05-23 01:43:25
- ចំនួនមតិ 0 | ចំនួនចែករំលែក 0
រដ្ឋមន្រ្តីពាណិជ្ជកម្ម ស្នើឱ្យមានការផលិតទំនិញក្រោមស្លាកសញ្ញា "Make in I-CLMV"
ចន្លោះមិនឃើញ
លោក ប៉ាន សូរស័ក្តិ រដ្ឋមន្រ្តីក្រសួងពាណិជ្ជកម្ម បានបង្ហាញពីគំនិតផ្តួចផ្តើមឱ្យមានការសិក្សាលើការផលិតទំនិញក្រោមស្លាកសញ្ញា "Make in I-CLMV" (ផលិតនៅឥណ្ឌា កម្ពុជា ឡាវ មីយ៉ាន់ម៉ា វៀតណាម) ដើម្បីផ្តត់ផ្គង់ទៅក្នុងទីផ្សារតំបន់ និងពិភពលោក។ លោកលើកឡើងដូច្នេះ ក្នុងវេទិកាជំនួបពាណិជ្ជកម្មលើកទី៥ រវាងប្រទេសទាំង៥នេះ កាលពីថ្ងៃទី២២ ខែឧសភា ឆ្នាំ២០១៨ នៅរាជធានីភ្នំពេញ។
ការបង្កើតជាតំបន់ប្រសព្វសម្រាប់ខ្សែសង្វាក់តម្លៃក្នុងតំបន់ ដោយក្នុងនោះគឺត្រូវរៀបចំក្របខណ្ឌសហប្រតិបត្តិការឧស្សាហកម្ម និងអនុវត្តកិច្ចព្រមព្រៀងសម្រួលពាណិជ្ជកម្មក្នុងតំបន់ និងពិភពលោក ដើម្បីគាំទ្រការសម្របសម្រួលបង្កើតខ្សែសង្វាក់ផ្គត់ផ្គង់ និងខ្សែសង្វាក់តម្លៃក្នុងតំបន់។
ការផ្លាស់ប្ដូរគំរូអនុវត្តល្អៗ ក្នុងការអភិវឌ្ឍវិស័យកសិកម្ម ដោយឥណ្ឌា និងប្រទេស CLMV មានសក្ដានុពលខ្ពស់ក្នុងវិស័យនេះ ជាពិសេសប្រទេសកម្ពុជា ឡាវ និងមីយ៉ាន់ម៉ា មានការអនុគ្រោះពន្ធគយ ០% សម្រាប់ទីផ្សារសហគមន៍អឺរ៉ុប និងទីផ្សារដៃគូពាណិជ្ជកម្មធំៗដទៃទៀត។
លោក ប៉ាន សូរស័ក្តិ បានផ្តល់យោបល់ឱ្យរដ្ឋាភិបាល និងវិស័យឯកជននៃប្រទេសទាំង៥ ពិនិត្យ និងជ្រើសរើសយកគម្រោងក្នុងរូបភាពដៃគូរដ្ឋ និងឯកជន (PPP) ដើម្បីយកមកអនុវត្ត ក៏ដូចជាបង្កើតមូលនិធិ និងក្របខណ្ឌសម្រាប់អនុវត្តគម្រោង ដោយផ្ដោតលើកិច្ចសន្យាកសិកម្ម៕