ញ៉ាំស៊ុត១ថ្ងៃ១គ្រាប់ជាប្រចាំ ផ្ដល់ផលល្អ ឬផលអាក្រក់?

2018-05-23 02:13:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកជំនាញធ្លាប់បានព្រមានថា ការញ៉ាំស៊ុតច្រើនអាចធ្វើឲ្យជាតិកូឡេស្ដេរ៉ុលក្នុងខ្លួនគ្មានសុខភាពល្អ។ យ៉ាងណាមិញ កាលពីពេលថ្មីៗនេះ ស្រាប់តែមានការសិក្សាថ្មីមួយផ្សេងទៀត បានអះអាងផ្ទុយទៅវិញថា ការទទួលស៊ុត១ថ្ងៃ១គ្រាប់នឹងអាចជួយផ្ដល់អត្ថប្រយោជន៍សម្រាប់សុខភាពយ៉ាងច្រើន។

រូបភាព៖ bonappetit

ការពិសោធនេះ ធ្វើឡើងនៅលើប្រជាជនចិនចំនួនកន្លះលាននាក់ ដែលមានអាយុចន្លោះពី ៣០ ទៅ ៧៩ឆ្នាំ។ ការសិក្សារយៈពេល៩ឆ្នាំមកនេះ រកឃើញថា ការញ៉ាំស៊ុតជាប្រចាំចំនួន១គ្រាប់ក្នុង១ថ្ងៃ អាចជួយកាត់បន្ថយជំងឺបេះដូង និងដាច់សរសៃឈាមខួរក្បាលបាន។ ពួកគេមានអត្រាស្លាប់ដោយសារជំងឺបេះដូងទាបជាងមនុស្សដែលមិនញ៉ាំស៊ុតចំនួន ១៨% ឯអត្រាស្លាប់ដោយជំងឺដាច់សរសៃឈាមខួរក្បាលត្រូវកាត់បន្ថយបានរហូតដល់ ២៨% ឯណោះ។

សូមបញ្ជាក់ថា យោងតាមអង្គការសុខភាពពិភពលោក (WHO) មនុស្សប្រមាណ ១៧,៧លាននាក់ បានស្លាប់ជារៀងរាល់ឆ្នាំដោយសារតែជំងឺបេះដូង។ តួលេខនេះគឺស្មើនឹង ១ភាគ៣នៃអត្រាមរណភាពសរុបទូទាំងពិភពលោក៕