សម្ដេច ហ៊ុន សែន លើកឡើងពីបញ្ហារបស់លោក ប៊ុត សីហា ពាក់ព័ន្ធនឹងគ្រឿងញៀន
- 2018-05-23 02:16:43
- ចំនួនមតិ 0 | ចំនួនចែករំលែក 0
សម្ដេច ហ៊ុន សែន លើកឡើងពីបញ្ហារបស់លោក ប៊ុត សីហា ពាក់ព័ន្ធនឹងគ្រឿងញៀន
ចន្លោះមិនឃើញ
សម្ដេច ហ៊ុន សែន បានលើកឡើងថា បើសិនជាមានការអះអាងពីតារាចម្រៀង ប៊ុត សីហា ថាមិនបានពាក់ព័ន្ធនឹងគ្រឿងញៀនហើយ អីចឹងសូមកុំឲ្យមានការប្រកាន់លើតារាចម្រៀងរូបនេះទៀត។ ប្រសាសន៍សម្ដេចនាយករដ្ឋមន្ត្រី បានធ្វើក្នុងពិធីជួបសំណេះសំណាលជាមួយកម្មករ-កម្មការិនី មកពីរោងចក្រសហគ្រាសចំនួន១៧ នៅក្នុងខេត្តកំពង់ស្ពឺ នៅព្រឹកថ្ងៃទី២៣ ខែឧសភា ២០១៨នេះ។
ការលើកឡើងពាក់ព័ន្ធនឹងលោក ប៊ុត សីហា គឺក្រោយសម្ដេចនាយករដ្ឋមន្រ្តីបាននិយាយរៀបរាប់ពីអ្នកចម្រៀងនានា ដែលមានទីកន្លែងកំណើតនៅខេត្តកំពង់ស្ពឺ។
សូមបញ្ជាក់ថា តារាចម្រៀង ប៊ុត សីហា ត្រូវបានប៉ូលិសចាប់ខ្លួន កាលពីថ្ងៃទី២១ ខែកុម្ភៈ ឆ្នាំ២០១៨ ពាក់ព័ន្ធនឹងករណីគ្រឿងញៀន ហើយលោកត្រូវបានគេដោះលែងវិញ នៅថ្ងៃបន្ទាប់ ដោយសារតែមានការធានាពីក្រុមគ្រួសារ។ ក្រោយមក លោក ប៊ុត សីហា បានបកស្រាយអំពីរឿងចោទប្រកាន់នេះ ថាលោកមិនពាក់ព័ន្ធនឹងគ្រឿងញៀននោះទេ៕
អត្ថបទទាក់ទង៖ ប៊ុត សីហា ទម្លាយថា ខ្លួនជាភ្នាក់ងារសម្ងាត់របស់ប៉ូលិសបង្ក្រាបគ្រឿងញៀន