នាយករដ្ឋមន្ត្រីថ្មីម៉ាឡេស៊ី ប្រកាសកាត់ប្រាក់ខែរដ្ឋមន្ត្រីគ្រប់រូប

2018-05-23 09:14:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក មហាធៀ មហាម៉ាត់ នាយករដ្ឋមន្ត្រីថ្មីម៉ាឡេស៊ី បានប្រកាសអនុវត្តភ្លាមៗ នូវគោលការណ៍កាត់ប្រាក់ខែរដ្ឋមន្ត្រីទាំងឡាយ ក្នុងអត្រា ១០% ។ ការប្រកាសនេះ ត្រូវធ្វើឡើងក្នុងសន្និសីទសារព័ត៌មាន ក្រោយកិច្ចប្រជុំគណៈរដ្ឋមន្ត្រីលើកទីមួយរបស់លោក នៅក្រុង Putrajaya ប្រទេសម៉ាឡេស៊ី នាថ្ងៃទី២៣ ខែឧសភា ឆ្នាំ២០១៨នេះ។

លោក មហាធៀ បានពន្យល់ថា វិធាការនេះគឺដើម្បីកាត់បន្ថយបំណុលរដ្ឋាភិបាល ដែលមានជាង ២៥០ពាន់លានដុល្លារ ឬប្រមាណ ៦៥% នៃផលិតផលសរុបក្នុងស្រុក។

លោក មហាធៀ ថ្លែងក្នុងសន្និសីទសារព័ត៌មាន ក្រោយកិច្ចប្រជុំគណៈរដ្ឋមន្ត្រីលើកទីមួយរបស់លោក នៅថ្ងៃនេះ (រូបថត៖ Sumisha Naidu)

យោងតាមវេបសាយរដ្ឋសភាម៉ាឡេស៊ី បានឲ្យដឹងថា មុនការសម្រេចកាត់ប្រាក់ខែនេះ ប្រាក់ខែរដ្ឋមន្ត្រីម៉ាឡេស៊ី មានចំនួន ២២៨២៧ រីងហ្គីត (ជាង ៥៧០០ដុល្លារអាមេរិក) ប្រាក់ខែឧបនាយករដ្ឋមន្ត្រីមានចំនួន ១៨១៦៨រីងហ្គីត (ជាង ៤៥០០ដុល្លារ) ប្រាក់ខែរដ្ឋមន្ត្រី មានចំនួន ១៤៩០៧ រីងហ្គីត (ជាង ៣៧០០ដុល្លារ) និងប្រាក់ខែរដ្ឋលេខាធិការ មានចំនួន ១០៨៤៨ រីងហ្គីត (ជាង ២៧០០ដុល្លារ)។

ចំនួនមន្ត្រីស៊ីវិលម៉ាឡេស៊ី ក៏នឹងត្រូវកាត់បន្ថយផងដែរ ដោយលោក មហាធៀ ធ្លាប់មានប្រសាសន៍ថា រដ្ឋាភិបាលម៉ាឡេស៊ី របស់សម្ព័ន្ធគណបក្ស PH អាចនឹងបញ្ឈប់ការជ្រើសរើសមន្ត្រីជាប់កិច្ចសន្យា ហើយងាកទៅជួយមន្ត្រីទាំងឡាយណាដែលមានប្រាក់ខែទាប៕

ចុចអានបន្ត ម៉ាឡេស៊ី លុបចោលការយកពន្ធលើទំនិញ ចាប់ពីខែក្រោយ

ប្រភព៖ Channelnewsasia ប្រែសម្រួល៖ លាភ.