ការវិនិយោគបរទេសដោយផ្ទាល់ពីឥណ្ឌាមកកម្ពុជា មានទឹកប្រាក់ចំនួនប៉ុន្មាន?

2018-05-24 01:18:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ការវិនិយោគបរទេសដោយផ្ទាល់ (FDI) ពីឥណ្ឌាមកអាស៊ាន បានកើនឡើង ប្រមាណ ៩,៤ភាគរយ ក្នុងនោះកម្ពុជា មានចំនួន ១២៦លានដុល្លារ។ នេះជាការចុះផ្សាយរបស់ទីភ្នាក់ងារសារព័ត៌មានកម្ពុជា កាលពីថ្ងៃទី២៣ ខែឧសភា ឆ្នាំ២០១៨។

រដ្ឋមន្ត្រីពាណិជ្ជកម្ម លោក ប៉ាន សូរស័ក្តិ (កណ្ដាល) ចូលរួមកិច្ចធុរពាណិជ្ជកម្មឥណ្ឌា-CLMV កាលពីពេលថ្មីៗនេះ (រូបថត៖ ក្រសួងពាណិជ្ជកម្ម)

យោងតាមរបាយការណ៍ដែលបានចេញផ្សាយដោយក្រសួងពាណិជ្ជកម្ម ពេលបិទបញ្ចប់កិច្ចប្រជុំធុរពាណិជ្ជកម្មឥណ្ឌា-CLMV កាលពីរសៀលថ្ងៃទី២២ ខែឧសភា ឆ្នាំ២០១៨ បានបង្ហាញថា ទំហំពាណិជ្ជកម្ម និងការវិនិយោគ រវាងកម្ពុជា និងឥណ្ឌា បានហក់ឡើងពីចំនួន ជាង១០០ លានដុល្លារក្នុងឆ្នាំ២០១៦ កើនដល់ ១២៦លានដុល្លារ ក្នុងឆ្នាំ២០១៧។ បើគិតតែការវិនិយោគរបស់ឥណ្ឌានៅកម្ពុជាវិញ មានចំនួន ២០លានដុល្លារសហរដ្ឋអាមេរិក ក្នុងឆ្នាំ២០១៧។

លោក ប៉ាន សូរស័ក្តិ រដ្ឋមន្ត្រីក្រសួងពាណិជ្ជកម្ម បានលើកឡើងថា ឥណ្ឌា គឺជាទីផ្សារ នាំចេញធំមួយ របស់ប្រទេសអាស៊ានទាំងមូល ហើយបើគិតតែពីការនាំចេញសម្រាប់តែ ប្រទេស CLMV (កម្ពុជា ឡាវ មីយ៉ាន់ម៉ា និងវៀតណាម) វិញ មានរហូតដល់ ១៥ពាន់លានដុល្លារ៕

អត្ថបទ៖ លាភ.