កាសែត៤ ចាប់អារម្មណ៍នឹងរឿងសំខាន់១ នៅព្រឹកនេះ

2018-05-24 03:44:07
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

រឿងដែលសំខាន់ នៅព្រឹកថ្ងៃព្រហស្បតិ៍ទី ២៤ ឧសភានេះ គឺសមរភូមិនយោបាយនៅកម្ពុជា៖

កាសែត កោះសន្តិភាព

- "សមរភូមិនយោបាយ" ការអំពាវនាវឱ្យពលរដ្ឋធ្វើពហិការបោះឆ្នោត ច្បាស់ណាស់អ្នកនឹងបរាជ័យ ៖ នេះជាការថ្លែងសារនយោបាយរបស់ សម្តេចហ៊ុន សែន សំដៅទៅលោក សម រង្ស៊ី ដែលធ្លាប់អំពាវនាវកុំឱ្យពលរដ្ឋទៅបោះឆ្នោត។ សម្តេចថា ការអំពាវនាវនេះ គឺជាការប្រថុយប្រថាន និង អាចបរាជ័យ ព្រោះគ្រាន់តែសមាជិកគណបក្សប្រជាជន មានចំនួន៥លាននាក់ទៅហើយ ក្នុងចំណោមអ្នកបោះឆ្នោត ៨លាននាក់។

- អគ្គមេបញ្ជាការជាន់ខ្ពស់ នៃកងយោធពលខេមរភូមិន្ទ ៣ រូបឈរឈ្មោះ តំណាងរាស្ត្រមកពីគណបក្សប្រជាជន

- តោសើច តោយំ តំណាងឱ្យលទ្ធផលរបស់សាលាកាត់ក្តី

- បោះពួយដឹកអ្នករបួសទៅមន្ទីរពេទ្យ ក្រឡាប់តាមផ្លូវ

- មន្ត្រីយោធាអង្គភាព ង៧០ ម្នាក់បាញ់បោះផ្អើល

- ពលករខ្មែរនៅថៃ៨ម៉ឺននាក់ មិនទាន់មានភាពស្របច្បាប់ មានឱកាស៥ខែធ្វើបែបបទ

- ឈរឈ្មោះបោះឆ្នោតអាណត្តិទី៦ មាន២០គណបក្ស ត្រូវប្រធាន គ.ជ.ប ប្រកាសទទួលស្គាល់ជាផ្លូវការហើយ

កាសែត រស្មីកម្ពុជា

- សម្តេចតេជោៈ បក្សប្រឆាំងមិនអាចយក ខ្លួនទៅប្រៀបនឹងព្រះបិតាជាតិបានទេ ៖ នេះជាប្រតិកម្មរបស់សម្តេច ដែលតបទៅនឹងបក្សប្រឆាំង កាលពីម្សិលមិញ នៅកំពង់ស្ពឺ។ សម្តេច ហ៊ុន សែន ហៅការអំពាវនាវកុំឱ្យពលរដ្ឋទៅបោះឆ្នោត គឺជាការមិនអាចទៅរួច។ សម្តេចរំលឹកថា កាលពីក្រោយឆ្នាំ ១៩៧៩ សម្តេចតា ក៏ធ្លាប់បានអំពាវនាវឱ្យពលរដ្ឋចូលព្រៃតស៊ូដែរ តែសម្តេចតា មិនអាចបំផុសចលនាប្រជាជនបានដូចកាលពីឆ្នាំ ១៩៧០នោះទេ។ ដូច្នេះ បក្សប្រឆាំង មិនអាចប្រៀបខ្លួននឹងសម្តេចតាបានទេ។

- សម្តេចព្រះមហាក្សត្រីនរោត្តមមុនិនាថ សីហនុ ផ្ញើព្រះរាជសារចូលរួមរំលែកមរណទុក្ខលោក គាត រស្មី

- រដ្ឋមន្ត្រីក្រសួងរ៉ែ និង ថាមពល ព្រមានដកអាជ្ញាប័ណ្ណក្រុមហ៊ុន រុករករ៉ែ មិនគោរពច្បាប់

- ភ្លើងប្រច័ណ្ឌៈ ប្តីកាប់ប្រពន្ធរងរបួសធ្ងន់ នៅស្រុកអន្លង់វែង