តំបន់អាស៊ីប៉ាស៊ីហ្វិក រក្សាបានកំណើនសេដ្ឋកិច្ចខ្ពស់ តែប្រឈមនឹងភាពមិនប្រាកដប្រជាមួយចំនួន
- 2018-05-24 07:47:03
- ចំនួនមតិ 0 | ចំនួនចែករំលែក 0
តំបន់អាស៊ីប៉ាស៊ីហ្វិក រក្សាបានកំណើនសេដ្ឋកិច្ចខ្ពស់ តែប្រឈមនឹងភាពមិនប្រាកដប្រជាមួយចំនួន
ចន្លោះមិនឃើញ
តំបន់អាស៊ីប៉ាស៊ីហ្វិក រក្សាបានកំណើនសេដ្ឋកិច្ច ៥,៦% នៅឆ្នាំ២០១៨-២០១៩ ដែលជាកម្រិតខ្ពស់ធៀបនឹងតំបន់ដទៃ និងបានរួមចំណែកប្រមាណ ២ភាគ៣ នៃកំណើនសេដ្ឋកិច្ចពិភពលោក ស្របពេលដែលអតិផរណា បន្តមានកម្រិតទាប។ ទិន្នន័យនេះ ត្រូវបានបង្ហាញក្នុងសិក្ខាសាលាស្តីពី “ទស្សនវិស័យសេដ្ឋកិច្ចតំបន់អាស៊ីប៉ាស៊ីហ្វិក - វេលាល្អ, វេលាមិនច្បាស់លាស់៖ ពេលដែលត្រូវត្រៀមលក្ខណៈ” នៅធនាគារជាតិនៃកម្ពុជា កាលពីថ្ងៃទី២២ ខែឧសភា ឆ្នាំ២០១៨ ក្រោមអធិបតីភាពលោកស្រី នាវ ច័ន្ទថាណា ទេសាភិបាលរងធនាគារជាតិ និងវត្តមានរបស់លោកស្រី Yong Sarah Zhou តំណាងមូលនិធិរូបិយវត្ថុអន្តរជាតិប្រចាំកម្ពុជា។
១. ប្រក្រតីកម្មគោលនយោបាយរូបិយវត្ថុ
២. ទស្សនវិស័យនៃពាណិជ្ជកម្មអន្តរជាតិ
៣. ឥទ្ធិពលនៃកំណែទម្រង់សារពើពន្ធរបស់សហរដ្ឋអាមេរិក
និង ៤. ហានិភ័យផ្សេងៗទៀតដូចជា បញ្ហាភូមិសាស្ត្រនយោបាយ និងគ្រោះធម្មជាតិជាដើម។
បើតាមធនាគារជាតិបានបញ្ជាក់ថា សិក្ខាសាលានេះបានផ្តល់ជាវេទិកាពិភាក្សាពីទស្សនវិស័យសេដ្ឋកិច្ចក្នុងតំបន់ និងឥទ្ធិពលមកលើកម្ពុជា រវាងភាគីពាក់ព័ន្ធទាំងក្នុងវិស័យឯកជន និងវិស័យសារធារណៈ ដើម្បីបង្កើនការយល់ដឹងឱ្យកាន់តែទូលំទូលាយពីស្ថានភាពសេដ្ឋកិច្ចក្នុងតំបន់ និងផ្តល់ជាធាតុចូលទៅក្នុងការរៀបចំគោលនយោបាយនានា សម្រាប់ការអភិវឌ្ឍវិស័យសេដ្ឋកិច្ច និងហិរញ្ញវត្ថុនៅកម្ពុជាប្រកបដោយចីរភាព។
សូមជម្រាបថា តំបន់អាស៊ីប៉ាស៊ីហ្វិក គឺរាប់បញ្ចូលប្រទេសក្នុងទ្វីបអាស៊ី (អាស៊ីបូព៌ា អាស៊ីទក្សិណ អាស៊ីអាគ្នេយ៍ និងផ្នែកខាងកើតរុស្ស៊ី) និងទ្វីបអូសេអានី៕