ឥណ្ឌា ប្ដឹងទៅ WTO ប្រឆាំងអាមេរិក ដូចជប៉ុនដែរ

2018-05-24 09:00:22
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមឯកសារដែលចេញផ្សាយដោយអង្គការពាណិជ្ជកម្មអន្តរជាតិ (WTO) បានបង្ហាញថា ប្រទេសឥណ្ឌាបានដាក់ពាក្យប្ដឹងប្រឆាំងនឹងអាមេរិិក លើបញ្ហាការដំឡើងពន្ធនាំចូលដែកថែប និងអាលុយមីញ៉ូម។

ឥណ្ឌាបានលើកឡើងថា ការសម្រេចរបស់អាមេរិកបានធ្វើឲ្យប៉ះពាល់ដល់ការនាំចេញដែកថែប និងអាលុយមីញ៉ូមរបស់ឥណ្ឌា ទៅកាន់អាមេរិក ហើយការសម្រេចនេះ គឺមិនស្របតាមទម្លាប់ពាណិជ្ជកម្មសាកល។

ក្នុងនោះ ឥណ្ឌាប្ដឹងពិគ្រោះយោបល់ជាមួយអាមេរិក ក្រោមយន្ដការដោះស្រាយជម្លោះរបស់អង្គការពាណិជ្ជកម្មអន្តរជាតិ។

ចំណែករដ្ឋាភិបាលក្រុងតូក្យូ កាលពីពាក់កណ្ដាលខែឧសភានេះ បានប្រកាសថា នឹងគ្រោងចាត់វិធានការពន្ធក្នុងទំហំទឹកប្រាក់ ៤០៩លានដុល្លារ លើការនាំចូលរបស់អាមេរិក មកកាន់ប្រទេសជប៉ុន។ វិធានការនេះ គឺដើម្បីឆ្លើយតបនឹងការដំឡើងពន្ធនាំចូលដែកថែប និងអាលុយមីញ៉ូមរបស់ប្រធានាធិបតីអាមេរិក ដូណាល់ ត្រាំ។ ជាមួយគ្នានេះ ជប៉ុនបានប្រកាសថា កំពុងរៀបចំឯកសារប្ដឹងទៅអង្គការពាណិជ្ជកម្មពិភពលោក ប្រឆាំងអាមេរិកផងដែរ៕