តម្លៃសណ្ឋាគារនៅទីក្រុង Kiev ឡើងកប់ក្ដោង នៅថ្ងៃផ្ដាច់ព្រាត់ Champions League

2018-05-25 07:06:04
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តម្លៃបន្ទប់សណ្ឋាគារលំដាប់ផ្កាយពីរ នៅក្រុង Kiev របស់អ៊ុយក្រែន ដែលពីមុនធ្លាប់តែមួយយប់ មានថ្លៃត្រឹម ៥១ដុល្លារនោះ បានឡើងដល់ ២៨០០ពាន់ដុល្លារ សម្រាប់យប់ថ្ងៃទី២៦ ខែឧសភា ២០១៨ ដែលជាយប់ប្រកួតផ្ដាច់ព្រាត់ UEFA Champions League រវាងក្លឹប Real Madrid និង Liverpool។

សម្រាប់ការប្រកួតផ្ដាច់ព្រាត់រវាងក្រុមទាំងពីរ នៅថ្ងៃស្អែកនេះ រដ្ឋធានីរបស់អ៊ុយក្រែនមួយនេះ ត្រូវគេរំពឹងថា នឹងអាចទាក់ទាញភ្ញៀវទេសចររហូតដល់ ៧ម៉ឺននាក់។ ចំណែកម្ចាស់សណ្ឋាគារ និងអាផាតមិនជួលវិញ បានឡើងតម្លៃរហូតដល់ជិត ១០០ដង បើប្រៀបនឹងតម្លៃធម្មតា។

ចំណែកដំណឹងចុងក្រោយជុំវិញការប្រកួតនេះ បានឲ្យដឹងថា ដោយសារតែការកើនឡើងតម្លៃស្នាក់នៅកប់ពពកនេះ អ្នកគាំទ្រ Real Madrid បានលុបចោលការកក់សំបុត្រចំនួន ១០០០សន្លឹក។ លោក Aleksander Ceferin ប្រធានសហព័ន្ធបាល់ទាត់អឺរ៉ុប បានបញ្ជាក់ថា ទោះមានការលុបចោលការកក់សំបុត្រពីអ្នកគាំទ្រ Real Madrid ក៏ដោយ ក៏សំបុត្រទាំងនោះ មិនអាចលក់ឲ្យអ្នកគាំទ្រ Liverpool នោះទេ។ សំបុត្រទាំងនោះ នឹងលក់អ្នកគាំទ្រនៅក្នុងប្រទេសអ៊ុយក្រែន។

សូមបញ្ជាក់ថា ការប្រកួតវគ្គផ្តាច់ព្រ័ត្រ Champions League នឹងធ្វើឡើងនៅក្រុង Kiev របស់អ៊ុយក្រែន នៅយប់ឈានចូលថ្ងៃទី២៧ ខែឧសភា ឆ្នាំ២០១៨ វេលាម៉ោង ១:៤៥ នាទី (ម៉ោងនៅកម្ពុជា)៕