ក្រសួងក្រើនរំលឹកឱ្យប្រុងប្រយ័ត្នចំពោះការផ្សព្វផ្សាយព័ត៌មាន ដែលប៉ះពាល់ដល់ព្រះមហាក្សត្រ
- 2018-05-25 09:38:00
- ចំនួនមតិ 0 | ចំនួនចែករំលែក 0
ក្រសួងក្រើនរំលឹកឱ្យប្រុងប្រយ័ត្នចំពោះការផ្សព្វផ្សាយព័ត៌មាន ដែលប៉ះពាល់ដល់ព្រះមហាក្សត្រ
ចន្លោះមិនឃើញ
ក្រសួងព័ត៌មាន បានក្រើនរំលឹកដល់ម្ចាស់ស្ថានីយវិទ្យុ-ទូរទស្សន៍ ចាងហ្វាងសារព័ត៌មាន និងម្ចាស់វិបសាយផ្សព្វផ្សាយទាំងអស់ ឱ្យប្រុងប្រយ័ត្ន ចំពោះការផ្សព្វផ្សាយព័ត៌មានដែលបានដកស្រង់ខ្លឹមសារ សារជាអក្សរ សំឡេង រូបភាព វីដេអូ តាមបណ្តាញទំនាក់ទំនងសង្គម និងពីប្រភពនានា ដែលប៉ះពាល់យ៉ាងធ្ងន់ធ្ងរដល់ព្រះរាជកិត្តិយសព្រះមហាក្សត្រ និងសន្តិសុខជាតិ។ នេះបើតាមលិខិតជូនដំណឹងរបស់ក្រសួងព័ត៌មាននៅថ្ងៃទី២៥ ខែឧសភា ឆ្នាំ២០១៨នេះ។
ក្រសួងព័ត៌មានបានជំរុញឱ្យម្ចាស់ស្ថានីយវិទ្យុ-ទូរទស្សន៍ ចាងហ្វាងសារព័ត៌មាន និងម្ចាស់វិបសាយផ្សព្វផ្សាយទាំងអស់ ត្រូវត្រួតពិនិត្យដោយខ្លួនឯងគ្រប់ទិដ្ឋភាព ដោយពិចារណាថ្លឹងថ្លែងឱ្យបានហ្មត់ចត់អំពីក្រមសីលធម៌ វិជ្ជាជីវៈ និងទិដ្ឋភាពច្បាប់ ចៀសវាងការដកស្រង់ខ្លឹមសារ សារជាអក្សរ សំឡេង រូបភាព វីដេអូ ពីប្រភពនានាដែលមិនច្បាស់លាស់មកផ្សព្វផ្សាយ ឬផ្សាយបន្ត៕