អ្នកថតរូបម្នាក់ ត្រូវដេរច្រើនថ្នេរ ដោយសារត្រូវ១បាល់របស់ Ronaldo

2018-05-26 08:26:32
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Cristiano Ronaldo បានស៊ុតបាល់អំឡុងពេលហ្វឹកហាត់ទៅចំអ្នកថតរូបម្នាក់ បណ្ដាលកាមេរ៉ាបុកចំចិញ្ចើម ធ្វើឲ្យរហែកសាច់ ត្រូវដេរជាច្រើនថ្នេរ។ ហេតុការណ៍នេះបានកើតឡើងពេលក្រុម Real Madrid ហ្វឹកហាត់មុនជួបជាមួយ Liverpool នៅវគ្គផ្តាច់ព្រ័ត្រ ពានរង្វាន់ UEFA Champions League នាក្រុង Kyiv ប្រទេសអ៊ុយក្រែន។

ដើម្បីជាការសុំទោស Ronaldo បានផ្ដល់អាវមួយជូនដល់អ្នកថតរូបដែលត្រូវរបួស។

Ronaldo បានស៊ុតបាល់ទៅចំអ្នកថតរូប បណ្ដាលឲ្យរហែកសាច់ ត្រង់ចញ្ចើម ត្រូវដេរជាច្រើនថ្នេរ

សូមបញ្ជាក់ថា Ronaldo តែងតែហ្វឹកហាត់ពីបច្ចេកទេសនានាដើម្បីឲ្យកាន់តែច្បាស់ មុនការប្រកួតសំខាន់ដែលខិតជិតចូលមកដល់។ ជាក់ស្ដែង កាលពីវគ្គ ៨ក្រុមចុងក្រោយ ពានរង្វាន់ Champions League គេសង្កេតឃើញ កីឡាករសញ្ជាតិព័រទុយហ្គាល់នេះ បានព្យាយាមហាត់ទាត់បកក្រោយជាច្រើនដងអំឡុងពេលហ្វឹកហាត់ ហើយបានយកមកអនុវត្តក្នុងការប្រកួតជាមួយ Juventus ដោយទទួលបានជោគជ័យ។ ពេលនោះ គេអាចរកបាន២គ្រាប់ ក្នុងនោះ១គ្រាប់ជាបាល់ទាត់បកក្រោយ និង១គ្រាប់ទៀតជាគ្រាប់ធម្មតា៕

អត្ថបទទាក់ទង

ប្រភព៖ Dailymail ប្រែសម្រួល៖ លាភ.