Real Madrid គ្រងជើងឯក Champions League លើកទី១៣ ដោយបំបាក់ Liverpool

2018-05-27 01:23:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមអធិរាជស Real Madrid បានឈ្នះជើងឯកពានរង្វាន់ធំបំផុតប្រចាំទ្វីបអឺរ៉ុប UEFA Champions League ក្នុងឆ្នាំ២០១៨នេះ ដោយបំបាក់ហង្សក្រហម Liverpool ក្នុងវគ្គផ្តាច់ព្រ័ត្រ ដោយលទ្ធផល ៣-១ កាលពីយប់មិញ។

Bale ក្លាយជាវីរបុរសរបស់ Real Madrid ក្រោយស៊ុតបញ្ចូលទីយកឈ្នះក្រុម Liverpool បាន២គ្រាប់ (រូបថត៖ FB UCL)

៣គ្រាប់របស់ Real ធ្វើបានដោយ Benzema នៅនាទី៥១ និង Bale ២គ្រាប់នៅនាទី៦៤ និង ៨៣។ ចំណែក១គ្រាប់របស់ Liverpool ធ្វើបានដោយ Mane នៅនាទី៥៥។

Benzema អបអរក្រោយស៊ុតបញ្ចូលទីបាន១គ្រាប់នាំមុខមុននៅនាទី៥១ (រូបថត៖ FB UCL)

ជ័យជម្នះនេះ បានធ្វើឱ្យ Real Madrid ឈ្នះជើងឯក UCL ជាលើកទី១៣ ក្នុងប្រវត្តិសាស្រ្តរបស់ខ្លួន។ ឆ្នាំដែលក្រុមនេះ គ្រងជើងឯក ១២ដងកន្លងមករួមមាន៖ ឆ្នាំ ១៩៥៦, ១៩៥៧, ១៩៥៨, ១៩៥៩, ១៩៦០, ១៩៦៦, ១៩៨៨, ២០០០, ២០០២, ២០១៤, ២០១៦ និង ២០១៧។ នេះក៏ជាការលើកពាន៣ដងជាប់ៗគ្នា ក្នុងរយៈពេល៣ឆ្នាំចុងក្រោយនេះ ក្រោយពេលលោក Zidance បានចូលមកដឹកនាំក្រុមនេះ កាលពីឆ្នាំ២០១៦ផងដែរ៕