Updated៖ ស្ត្រីជនជាតិចិនដែលធ្វើទារុណកម្មក្មេងស្រី អាចត្រូវជាប់ពន្ធនាគារ២-៥ឆ្នាំ

2018-05-30 12:08:52
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ថៅកែហាងលក់សម្លៀកបំពាក់ដែលជាប់ពាក់ព័ន្ធករណីធ្វើទារុណកម្មលើក្មេងស្រីជាអ្នកបម្រើបានត្រូវតុលាការសម្រេច កាលពីរសៀលថ្ងៃទី៣០ខែឧសភាឆ្នាំ២០១៨ ឲ្យឃុំខ្លួនក្នុងពន្ធនាគារក្រោមការចោទប្រកាន់ពីបទហិង្សាមានស្ថានទម្ងន់ទោសទាក់ទងទៅនឹងជនរងគ្រោះតាមមាត្រា២១៩នៃក្រមព្រហ្មទណ្ឌ។

ស្រ្ដីឈ្មោះឈ្មោះ ម៉េង រ័ត្នពិសី ត្រូវបានបញ្ជូនទៅតុលាការព្រឹកនេះ

យោងតាមមាត្រា២១៩នៃក្រមព្រហ្មទណ្ឌឃើញថា ស្ត្រីរូបនេះត្រូវប្រឈមនឹងការជាប់ពន្ធនាគារពី ២ឆ្នាំទៅ ៥ឆ្នាំ និងពិន័យជាប្រាក់ ៤លានរៀលទៅ ១០លានរៀល បើសិនជាតុលាការរកឃើញថាមានពិរុទ្ធភាពដូចការចោទប្រកាន់នេះមែន។

គួររំលឹកថា កាលពីថ្ងៃទី២៧ ខែឧសភា ឆ្នាំ២០១៨ កន្លងទៅ សមត្ថកិច្ចបានអន្តរាគមន៍ ជួយសង្គ្រោះក្មេងស្រីរងគ្រោះ ពីសំណាក់ស្ត្រីម្ចាស់ផ្ទះ ក្រោយពីមានសេចក្តីរាយការណ៍ពីប្រជាពលរដ្ឋ ដែលរស់នៅក្បែរគ្នានោះ។ ស្ត្រីម្ចាស់ផ្ទះ មានឈ្មោះ ម៉េង រ័ត្នពិសី ហៅសុភា ជាអ្នកលក់សម្លៀកបំពាក់ នៅផ្សារបុរីសន្តិភាព២ ភូមិតំណាក់ត្រយឹង សង្កាត់ចោមចៅ២ ខណ្ឌពោធិ៍សែនជ័យ រាជធានីភ្នំពេញ។ ចំណែកក្មេងស្រីរងគ្រោះ ឈ្មោះ ជា ស្រីនូ មានស្រុកកំណើតនៅភូមិទំនប់ថ្មី ឃុំត្រពាំងតាវ ស្រុកអន្លង់វែង ខេត្តឧត្តរមានជ័យ៕