ការចាកចេញរបស់ Zidane ប៉ះពាល់ដល់កីឡាករ Real madrid អ្វីខ្លះ?
- 2018-06-02 03:01:18
- ចំនួនមតិ 0 | ចំនួនចែករំលែក 0
ការចាកចេញរបស់ Zidane ប៉ះពាល់ដល់កីឡាករ Real madrid អ្វីខ្លះ?
ចន្លោះមិនឃើញ
ការចាកចេញរបស់លោក Zinedine Zidane នឹងធ្វើឲ្យកីឡាករមួយចំនួនរបស់ក្លឹបអធិរាជស Real Madrid ទទួលឥទ្ធិពលទាំងវិជ្ជមាន និងអវិជ្ជមាន។
១- Keylor Navas៖ បាត់បង់អ្នកដែលតែងតែការពារ និងផ្ដល់តម្លៃឲ្យគេ ចាប់តាំងពី Zidine ចូលដឹកនាំ Real Madrid ។
២- Kiko Casilla៖ អនាគតមានភាពស្រពិចស្រពិល បន្ទាប់ពី Zidine ទុកជាអ្នកចាំទីដៃទីពីរ។
៣- Luca Zidane (កូនរបស់ Zidane)៖ ប៉ះពាល់ទាំងអាជីព និងបញ្ហាផ្ទាល់ខ្លួន ក្រោយឪពុកលែងដឹកនាំ។
៤- Dani Carvajal៖ តែងតែជាជម្រើសដំបូងរបស់ Zidane ប៉ុន្តែអ្នកចាត់ការថ្មី មិនទាន់ច្បាស់ថា នឹងនៅជឿជាក់លើគេទៀតឬយ៉ាងណានោះទេ។
៥- Sergio Ramos៖ ជិតស្និតជាមួយ Zidane ជាងគេក្នុងក្រុម ដូច្នេះ នេះជាការបាត់បង់គ្រូបង្វឹក និងមិត្តភ័ក្ដិដ៏ល្អម្នាក់របស់គេ។
៦- Varane៖ ក្លាយជាជម្រើស១១នាក់របស់ Real Madrid និងជោគជ័យដោយសារតែ Zidane ។
៧- Nacho៖ កំពុងចាំអ៊ុតមើលគ្រូបង្វឹកថ្មី ដើម្បីផ្ដល់ឱកាសច្រើនបន្ថែមទៀតសម្រាប់គេ។
៨- Marcelo៖ ជិតស្និតជាមួយ Zidane ដូចជា Ramos ដែរ។
៩- Casemiro៖ បាត់បង់អ្នកដែលធ្វើឲ្យគេជោគជ័យ និងតែងតែដាក់ឲ្យលេងជាមួយ Kroos និង Modric ។
១០- Marcos Llorente៖ រង់ចាំឱកាសជាថ្មី ជាមួយគ្រូបង្វឹកថ្មី។
១១- Toni Kroos៖ ជាកម្លាំងសំខាន់ដែលមិនអាចខ្វះបានរបស់ Real Madrid នៅតំបន់បម្រើ។
១២- Luka Modric៖ គ្មាននរណាម្នាក់អាចជំនួសគេ ពីក្នុងក្រសែភ្នែករបស់ Zidane បានឡើយ។
១៣- Dani Ceballos៖ មិនសូវបានលេងក្រោមការដឹកនាំរបស់ Zidane ដូច្នេះ គេត្រូវរង់ចាំមើលគ្រូថ្មីជាមុនសិន។
១៤- Mateo Kovacic៖ ទោះជាមិនសូវបានលេងជម្រើស១១នាក់ដំបូង តែគេជាកីឡាករសំខាន់របស់ Zidane ដែលតែងតែប្ដូរចូលក្នុងពេលដ៏ចាំបាច់ណាមួយ។
១៥- Marco Asensio៖ មានភាពល្បីល្បាញ និងវិវឌ្ឍខ្លួនពីមួយថ្ងៃទៅមួយថ្ងៃ ក៏ដោយសារតែការផ្ដល់ឱកាសពី Zidane ។
១៦- Lucas Vazquez៖ គឺជាកីឡាករដែល Zidane ពេញចិត្តនឹងទេពកោសល្យរបស់គេ។
១៧- Isco៖ បាត់បង់អ្នកផ្ដល់តួនាទីសំខាន់ឲ្យគេ ជំនួស James ដែលបានផ្ទេរទៅ Bayern Munich ។
១៨- Gareth Bale៖ នឹងអាចមានឱកាសលេងបានច្រើន ក្រោមការដឹកនាំរបស់គ្រូបង្វឹកថ្មី ហើយអាចបន្តស្នាក់នៅ Real Madrid យូរបន្ថែមទៀត។
១៩- C. Ronaldo៖ គឺជាអ្នកដែល Zidane យល់ចិត្តបំផុត ហើយគេអាចនឹងគិតគូរពីបញ្ហាអនាគតរបស់ខ្លួននៅ Real Madrid ឡើងវិញផងដែរ។
២០- Karim Benzema៖ បាត់បង់គ្រូបង្វឹកដែលតែងតែការពារគេ គ្រប់កាលៈទេសៈ ហើយគេអាចប្រឈមនឹងបញ្ហាអនាគតនៅ Real Madrid ក្រោមការដឹកនាំរបស់គ្រូបង្វឹកថ្មី៕