កីឡាករដែលរួមចំណែកជួយឲ្យប្រេស៊ីលឈ្នះក្រូអាតយប់មិញ ផ្ទេរទៅកាន់ Man Utd ហើយ

2018-06-04 01:45:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ខ្សែបម្រើសញ្ជាតិប្រេស៊ីល Fred នឹងធ្វើការពិនិត្យសុខភាពនៅក្លឹប Manchester United នៅថ្ងៃចន្ទ ទី៤ ខែឧសភា ឆ្នាំ២០១៨នេះ ដើម្បីផ្លាស់ពីក្លឹប Shakhtar Donetsk ទៅកាន់ក្លឹបបិសាចក្រហមជាផ្លូវការ។

Fred នៅក្រុមជម្រើសជាតិប្រេស៊ីល (រូបថត៖ Sky Sports)

ខ្សែបម្រើវ័យ២៥ឆ្នាំ ដែលត្រូវបានប្ដូរចូលក្នុងវគ្គទី២ នាទី៨២ ជំនួស Coutinho នៃការប្រកួតមិត្តភាពអន្តរជាតិដែលក្រុមជម្រើសជាតិប្រេស៊ីល យកឈ្នះក្រូអាត ២-០ នៅកីឡដ្ឋាន Anfield កាលពីយប់មិញ បានក្លាយជាកីឡាករចំណូលថ្មីទី១របស់លោក Jose Mourinho នៅក្នុងទីផ្សារដោះដូរកីឡាករដើមរដូវកាល២០១៨-១៩។

Fred បានផ្លាស់ទៅក្លឹប Shakhtar Donetsk នៅប្រទេសអ៊ុយក្រែន កាលពីឆ្នាំ២០១៣ និងបង្ហាញខ្លួនបាន ១៥០លើក។

ក្រោយជ័យជម្នះលើក្រូអាត លោក Tite គ្រូបង្វឹកក្រុមជម្រើសជាតិប្រេស៊ីល បានបង្ហាញពីបំណងចង់ឲ្យ Man Utd ទិញយក Fred ឲ្យបានមុនព្រឹត្តិការណ៍ FIFA World Cup ចូលមកដល់ នៅពាក់កណ្ដាលខែមិថុនានេះ។

សូមបញ្ជាក់ជា ប្រេស៊ីល នឹងត្រូវធ្វើការប្រកួតមិត្តភាព១ប្រកួតទៀតជាមួយក្រុមអូទ្រីស នៅក្រុង Vienna នាថ្ងៃទី១០ ខែមិថុនា មុនធ្វើដំណើរទៅកាន់ប្រទេសរុស្ស៊ី ដើម្បីប៉ះក្រុមស្វីស កូស្តារីកា និងស៊ែប នៅក្នុងពូល E ៕