រថក្រោះចម្បាំងជំនាន់ថ្មីចុងក្រោយរបស់រុស្ស៊ី មានលក្ខណៈពិសេសយ៉ាងណា?(មានវីដេអូ)

2018-06-06 03:37:03
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងការពារជាតិរុស្ស៊ី បានប្រកាសកាលពីថ្ងៃទី ០៤ មិថុនាកន្លងទៅថា រថក្រោះចម្បាំងប្រភេទ T-80BVM ដែលទើបតែដំឡើងប្រព័ន្ធបច្ចេកវិទ្យាជំនាន់ថ្មីចុងក្រោយ កំពុងត្រូវបានបញ្ជួនទៅកាន់មូលដ្ឋានយោធានៅតំបន់អាក់តិច។ នេះបើតាមកាចុះផ្សាយរបស់សារព័ត៌មាន Sputnik របស់រុស្ស៊ី នៅថ្ងៃទី០៦ មិថុនានេះ។

រថក្រោះចម្បាំងប្រភេទ T-80BVM។ រូបភាព៖ Russian MoD

សារព័ត៌មានដដែល ក៏បានបង្ហាញនូវលក្ខណៈពិសេសមួយចំនួននៃរថក្រោះចម្បាំង ដែលទើបតែដំឡើងថ្មីនេះផងដែរ។ ក្នុងនោះមានដូចខាងក្រោម៖

រថក្រោះប្រភេទ T-80BVM ត្រូវបានបំពាក់ដោយម៉ាស៊ីនតួរប៊ីនឧស្ម័ន(gas-turbine) ដែលអាចធ្វើឲ្យរថក្រោះចាប់ផ្ដើមម៉ាស៊ីនបាន ក្នុងរយៈពេលត្រឹម ១ នាទី បើទោះបីជាវាស្ថិតក្នុងសីតុណ្ហភាពក្រោម ៤០ អង្សារក៏ដោយក្តី។ រថក្រោះដែលប្រើប្រាស់ម៉ាស៊ីនម៉ាស៊ូតនេះ ត្រូវការពេលប្រមាណជាង ៤០ នាទីប៉ុណ្ណោះ សម្រាប់ការកម្ដៅតួម៉ាស៊ីនទាំងមូល។ ជាពិសេសនោះ ម៉ាស៊ីនតួរប៊ីនឧស្ម័ន(gas-turbine) អាចបង្កើតសំឡេង ដែលស្រដៀងទៅនឹងទៅនឹងយន្តហោះចម្បាំង។

ក្រៅពីម៉ាស៊ីនជំនាន់ថ្មីនេះ ប្រព័ន្ធចាប់ផ្ដើមម៉ាស៊ីន និងម៉ាស៊ីនភ្លើងថ្មីរបស់រថក្រោះប្រភេទ T-80BVM នេះ គឺធន់ទៅនឹងសីតុណ្ហភាពត្រជាក់ខ្លាំង។ ជាពិសេសនោះ រថក្រោះដែលទើបតែដំឡើងថ្មីផុតលេខនេះ មានភ្ជាប់មកជាមួយនូវប្រព័ន្ធបាញ់ប្រហារចំគោលដៅជំនាន់ថ្មី ឧបករណ៍បញ្ជាអាវុធថ្មី និងអាវក្រោះកាន់តែធន់ជាងមុនផងដែរ។

រថក្រោះប្រភេទ T-80BVM។ រូបភាព៖ Sputnik

យោងតាមសារព័ត៌មានជាតិរុស្ស៊ី បានឲ្យដឹងថា ក្រសួងការពារជាតិរុស្ស៊ី មានរថក្រោះប្រភេទថ្មីនេះ ជាង ៣ ពាន់គ្រឿង ដែលនៅមិនទាន់ធ្វើទំនើបកម្មនៅឡើយ។ ជារួមទៅ រថក្រោះប្រភេទ T-80s ជាង ១ ម៉ឺនគ្រឿង ត្រូវបានផលិតតាំងពីឆ្នាំ ១៩៧០ មកម្ល៉េះ៕

សូមទស្សនាវីដេអូនៃ ការសាកល្បងរថក្រោះចម្បាំងប្រភេទT-80BVM