ពូទីនលើកឡើងពីបញ្ហាក្រុមបាល់ទាត់រុស្ស៊ី ខណៈ World Cup កាន់តែខិតជិតមកដល់

2018-06-07 06:35:44
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក វ្លាឌីមៀ ពូទីន ប្រធានាធិបតីរុស្ស៊ី កាលពីថ្ងៃទី៦ ខែមិថុនា ២០១៨ ម្សិលមិញ បានលើកឡើងថា គាត់រំពឹងថា ក្រុមជម្រើសជាតិរុស្ស៊ី នឹងលេងដោយភាពក្លាហាន និងប្រកបដោយសមត្ថភាព។ ការលើកឡើងនេះ គឺក្រោយក្រុមជម្រើសជាតិរុស្ស៊ីបានប្រកួតមិត្តភាពមិត្តភាពស្មើគ្នា ១-១ ជាមួយក្រុមព័រទុយហ្គាល់ កាលពីយប់ថ្ងៃទី៥ ខែមិថុនា ២០១៨ កន្លងទៅ។

លោក វ្លាឌីមៀ ពូទីន ប្រធានាធិបតីរុស្ស៊ី ចាប់លើកពាន World Cup ក្នុងកម្មវិធីមួយ (រូបភាព៖ Indian Express)

លោក ពូទីន ថា "ដូចការព្រួយបារម្ភលើក្រុមជម្រើសជាតិពីមុនមក ខ្ញុំត្រូវតែទទួលស្គាល់ការពិតថា ក្រុមរបស់ពួកយើងមិនទទួលបានលទ្ធផលល្អនោះទេ នៅពេលថ្មីៗនេះ"។

ទោះយ៉ាងណាលោក ពូទីន នៅតែរំពឹងថា អ្នកគាំទ្រ និងអ្នកស្រលាញ់បាល់ទាត់នៅក្នុងប្រទេសរុស្ស៊ីទាំងអស់នឹងគាំទ្រក្រុមជម្រើសជាតិលេងដោយកិត្តិយស និងបង្ហាញពីកីឡាបាល់ទាត់ទំនើប និងគួរឲ្យចាប់អារម្មណ៍ រហូតដល់ទីបញ្ចប់។

ជាមួយគ្នានេះ លោក ពូទីន បានលើកឡើងថា សមិទ្ធផលធំបំផុតរបស់ក្រុមបាល់ទាត់រុស្ស៊ី សម្រាប់ World Cup នាពេលខាងមុខនេះ ប្រហែលជាការឆ្លងផុតវគ្គចែកពូក បន្ទាប់ក្រុមបាល់ទាត់ជម្រើសជាតិមួយនេះ ពុំធ្លាប់ឆ្លងផុតវគ្គចែកពូលទាល់តែសោះ ក្រោយប្រកាសឯករាជ្យ៕