ម៉ាក្រុង៖ គ្មានមេដឹកនាំណា កាន់តំណែងអស់មួយជីវិតទេ

2018-06-08 06:01:10
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ប្រធានាធិបតីបារាំង លោក អេម៉ានុយអែល ម៉ាក្រុង បាននិយាយកាលពីថ្ងៃម្សិលមិញថា "គ្មានប្រធានាធិបតីណា កាន់តំណែងជារៀងរហូតនោះទេ"។ ការលើកឡើងរបស់លោក គឺឆ្លើយតបទៅនឹងសំនួរមួយ ទាក់ទងពីគោលនយោបាយការពារនិយម និងឯកានិយមរបស់ប្រធានាធិបតីអាមេរិក លោកដូណាល់ ត្រាំ។ ហើយក៏ស្របពេលដែល មេដឹកនាំនៃក្រុមប្រទេស G-7 កំពុងរៀបចំជួបប្រជុំគ្នា នៅឯកិច្ចប្រជុំកំពូលសេដ្ឋកិច្ច នៅក្នុងប្រទេសកាណាដាផងដែរ។

លោក ម៉ាក្រុង ថ្លែងនាពេលកន្លងមក។ រូបភាព៖ Reuters

លោក បានបញ្ជាក់ទៀតថា បើសិនជាលោកដូណាល់ ត្រាំ នៅតែបន្តគោលនយោបាយឯកានិយមនេះបន្តទៀត ដូច្នេះសហរដ្ឋអាមេរិក អាចនឹងត្រូវបណ្ដេញចេញពីក្រុមប្រទេស G-7។

"ប្រទេសទាំង ៦ នៃក្រុមប្រទេសសេដ្ឋកិច្ច G-7 បើទោះបីជាគ្មានសហរដ្ឋអាមេរិកក្តី នៅតែមានទីផ្សាររួមបញ្ចូលគ្នាធំ ជាងទីផ្សារសហរដ្ឋអាមេរិកបច្ចុប្បន្នផងដែរ"។ នេះជាការបញ្ជាក់របស់លោក ម៉ាក្រុង។

ម្យ៉ាងវិញទៀត ប្រធានាធិបតីវ័យ ៤០ ឆ្នាំរូបនេះ ក៏បានរិះគន់ប្រឆាំងទៅនឹង ការប្រកាសដំឡើងពន្ធលើការនាំចូលដែកថែប និងអាលុយមីញ៉ូម ពីសហភាពអឺរ៉ុប កាណាដា និងម៉ិកស៊ីកូ កាលពីចុងខែឧសភាកន្លងទៅ។