បារាំងផ្ដល់កម្ចី ១៤លានដុល្លារ ដល់ក្រុមហ៊ុននាំចេញអង្ករក្រអូបកម្ពុជាមួយ
- 2018-06-08 09:26:58
- ចំនួនមតិ 0 | ចំនួនចែករំលែក 0
បារាំងផ្ដល់កម្ចី ១៤លានដុល្លារ ដល់ក្រុមហ៊ុននាំចេញអង្ករក្រអូបកម្ពុជាមួយ
ចន្លោះមិនឃើញ
ស្ថាប័នហិរញ្ញវត្ថុ ប្រូប៉ាកូ (PROPACO) ដែលជាបុត្រសម្ព័ន្ធរបស់ទីភ្នាក់ងារអភិវឌ្ឍបារាំង (AFD) បានសម្រេចផ្ដល់ហិរញ្ញប្បទានចំនួន ១៤លានដុល្លារដល់ក្រុមហ៊ុន ហ្គោលដេនរ៉ាយស៍ (Golden Rice) ដែលជាក្រុមហ៊ុនផលិត និងនាំចេញអង្ករក្រអូបរបស់កម្ពុជា។ កិច្ចព្រមព្រៀងកម្ចីនេះ ត្រូវបានចុះហត្ថលេខានៅប្រទេសសិង្ហបុរី កាលពីថ្ងៃទី៧ ខែមិថុនា ២០១៨ ម្សិលមិញ។
ជំនួយនេះ នឹងអនុញ្ញាតឲ្យក្រុមហ៊ុន ហ្គោលដេនរ៉ាយស៍ ពង្រីកសមត្ថភាពផលិតកម្មរបស់ខ្លួន ព្រមទាំងអាចផលិតថាមពលអគ្គិសនី ១មេហ្កាវ៉ាត់បន្ថែមទៀត (ដើរដោយការដុតអង្កាម)។
សូមបញ្ជាក់ថា ហិរញ្ញប្បទានថ្មីនេះ គឺជាកម្ចីទី៣ ដែលប្រូប៉ាកាបានផ្ដល់ឲ្យក្រុមហ៊ុន ហ្គោលដេនរ៉ាយស៍ បន្ទាប់ពីការផ្ដល់កម្ចីដំបូងចំនួន ៧លានដុល្លារនៅឆ្នាំ២០០៩ ពេលក្រុមហ៊ុនចាប់ផ្ដើមដំណើរការ និងកម្ចីមួយទៀតចំនួន ១០លានដុល្លារ នៅឆ្នាំ២០១៣ ដើម្បីទ្រទ្រង់ និងពង្រីកទីផ្សាររបស់ក្រុមហ៊ុន៕