ចេញត្រឹម១៥ម៉ោង MV ផ្លូវការរបស់ World Cup ២០១៨ ជាប់ជាវីដេអូពេញនិយមទី៣

2018-06-09 02:54:29
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅប្រមាណជា ១៥ម៉ោងមុន Channel ផ្លូវការរបស់តារាចម្រៀង Nicky Jam បានបង្ហោះ MV ផ្លូវការរបស់បទចម្រៀងសម្រាប់ព្រឹត្តិការណ៍ FIFA World Cup ឆ្នាំ២០១៨ ដែលមានចំណងជើងថា "Live It Up” ។

គិតត្រឹមម៉ោងប្រហែល៩ ព្រឹកថ្ងៃទី៩ ខែមិថុនា ឆ្នាំ២០១៨នេះ MV ខាងលើ បានទទួលការគាំទ្រយ៉ាងខ្លាំង ដោយក្លាយជាវីដេអូពេញនិយមបំផុតលំដាប់ទី៣ ដែលមានអ្នកចុចមើលចំនួនជិត ៣លានដង នៅលើ YouTube ។

Era Istrefi ក្នុង MV បទ Live It Up (រូបភាពពីវីដេអូ)

ការចេញ MV នេះ គឺត្រូវធ្វើឡើងបន្ទាប់ពី បទ Live It Up ចេញជាផ្លូវការកាលពី២សប្ដាហ៍មុន។ បទនេះ ត្រូវបានច្រៀងដោយតារាសម្ដែងនិងចម្រៀងល្បី Will Smith, តារាចម្រៀង Nicky Jam និង Era Istrefi ។

Live It Up ត្រូវបានផលិតដោយលោក Diplo បន្ទាប់ពីបទរបស់ World Cup ពីមុនៗ ដែលច្រៀងដោយ Pitbull, R. Kelly និង Ricky Martin ហើយគេរំពឹងថា តារាចម្រៀងទាំងនេះ ក៏នឹងត្រូវឡើងសម្ដែងលើឆាក ក្នុងពិធីបើក World Cup នៅកីឡដ្ឋាន Luzhniki នាក្រុងមូស្គូ នៅថ្ងៃទី១៤ ខែមិថុនា ខាងមុខនេះ។

ចុចស្ដាប់ និងទស្សនា បទ Live It Up នៅខាងក្រោម