លីគកំពូលកម្ពុជា ថ្ងៃនេះ មានគូពិសេស ដែលមិនអាចមើលរំលងបានឡើយ
- 2018-06-09 03:48:25
- ចំនួនមតិ 0 | ចំនួនចែករំលែក 0
លីគកំពូលកម្ពុជា ថ្ងៃនេះ មានគូពិសេស ដែលមិនអាចមើលរំលងបានឡើយ
ចន្លោះមិនឃើញ
លីគកំពូលកម្ពុជា សប្ដាហ៍ទី៩ នឹងឈានចូលមកដល់នៅចុងសប្ដាហ៍នេះហើយ ដោយមានក្រុមខ្លាំងៗប៉ះគ្នា ដូចជា ព្រះខ័នរាជស្វាយរៀង តតាំងជាមួយវិសាខា និងភ្នំពេញក្រោន ប៉ះជាមួយបឹងកេតជាដើម។
ព្រះខ័នរាជ ត្រូវទៅប្រកួតជាមួយវិសាខានៅកីឡដ្ឋានវេស្ទើន រសៀលម៉ោង៣នេះ។ ក្រុមរបស់លោក Nestor ត្រូវអវត្តមានកីឡាករសំខាន់៨នាក់ឯណោះ ព្រោះថាពួកគេសុទ្ធតែជាប់ពិន័យមិនអាចចូលលេងបាន។ កីឡាករទាំង៨នាក់នេះ រួមមាន នុប តុលា, សឿយ វិសាល , សុក សំណាង, អាំ សុវណ្ណារ៉ាត់, សារ៉េត គ្រីយ៉ា, ហួយ ផល្លីន, អោម ឧត្ដម និង Shane Booysen ។
ដោយឡែក សម្រាប់១គូពិសេសទៀតនោះ ភ្នំពេញក្រោន នឹងត្រូវបើកកីឡដ្ឋាន RSN របស់ខ្លួនស្វាគមន៍ក្រុមភ្ញៀវបឹងកេត វេលាម៉ោង៦ល្ងាចនេះដែរ។ បឹងកេតត្រូវការជ័យជម្នះនេះ ដើម្បីបន្ដឈរកំពូលតារាងលីគ ប្រសិនបើភ្លាត់ចាញ់ នោះអាចនឹងបាត់តំណែងបាន ដោយសារតែណាហ្គាវើល កំពុងប្រដេញពីក្រោយ។ ដូចគ្នានេះដែរ ក្រោនក៏ត្រូវការពិន្ទុដូចគ្នា ព្រោះការប្រជែងពានរបស់ពួកគេមិនទាន់បញ្ចប់ឡើយ។ ឈរនៅត្រឹមចំណាត់ថ្នាក់លេខ៤នេះ ត្រឹម៨ប្រកួតកន្លងមក គឺអាចមានឱកាសក្នុងប្រជែងពានបាន។
នៅថ្ងៃសៅរ៍នេះ នាខេត្តសៀមរាបឯណោះ ក៏មាន១គូដែរ ដែលគេហៅថា សៀមរាប Derby ។ នេះជាការប៉ះគ្នារវាងក្រុម Angkor Tiger ជាមួយក្រុម Soltilo Angkor នៅកីឡដ្ឋានខេត្តសៀមរាបផ្ទាល់។ ការប្រកួតនឹងធ្វើឡើងវេលាម៉ោង៣:៣០រសៀល ហើយវាក៏ជាការប្រកួតមួយដែលគេគិតថានឹងមានអ្នកចូលទស្សនាច្រើន៕