Chelsea ទទួលបានកិច្ចសន្យាពាណិជ្ជកម្មធំមួយមិនធ្លាប់មានក្នុងប្រវត្តិសាស្ត្រ Premier League
- 2018-06-13 01:51:59
- ចំនួនមតិ 0 | ចំនួនចែករំលែក 0
Chelsea ទទួលបានកិច្ចសន្យាពាណិជ្ជកម្មធំមួយមិនធ្លាប់មានក្នុងប្រវត្តិសាស្ត្រ Premier League
ចន្លោះមិនឃើញ
ក្រុមតាខៀវ Chelsea បានបញ្ជាក់ជាផ្លូវការថា ពួកគេបានចុះកិច្ចព្រមព្រៀងមួយជាមួយនឹងដៃគូពាណិជ្ជកម្មថ្មីគឺ ក្រុមហ៊ុនរថយន្ត Hyundai។ កិច្ចព្រមព្រៀងតម្លៃជាង៥៣លានដុល្លារនេះ នឹងតម្រូវឲ្យអាវរបស់កីឡាករ Chelsea ដាក់បំពាក់និមិត្តសញ្ញា Hyundai នៅជាប់នឹងដៃអាវ សម្រាប់រដូវកាលប្រកួតក្នុងស្រុកឆ្នាំ ២០១៨-២០១៩។
យោងតាមការចុះផ្សាយរបស់ Daily Mail បានឲ្យដឹងថា វាជាកិច្ចព្រមព្រៀងមួយដែលមានតម្លៃថ្លៃបំផុតនៅក្នុងប្រវត្តិសាស្ត្រ Premier League សម្រាប់ការដាក់ផ្សាយពាណិជ្ជកម្មលើដៃអាវយ៉ាងដូច្នេះ។ ក្រុមដែលគ្រប់គ្រងកំណត់ត្រាចាស់គឺ Arsenal ដែលចុះកិច្ចព្រមព្រៀងគ្នាជាមួយនឹងក្រុមហ៊ុនទេសចរណ៍ Visit Rwanda ក្នុងតម្លៃ ៤០លានដុល្លារ។ ភាពជាដៃគូពាណិជ្ជកម្មរវាង Chelsea និង Hyundai នឹងមានរយៈពេលមិនតិចជាង ៤ឆ្នាំនោះឡើយ។
Chelsea នឹងពាក់អាវមាននិមិត្តសញ្ញា Hyundai ជាលើកដំបូងនៅពេលការប្រកួតមិត្តភាពជាមួយនឹងក្រុម Perth Glory នាថ្ងៃទី២៣ ខែកក្កដា ឆ្នាំ២០១៨ខាងមុខ៕