រាជរដ្ឋាភិបាលកម្ពុជា ចាប់ផ្តើមបញ្ជ្រាបការយល់ដឹងអំពីការអភិវឌ្ឍ "ទីក្រុងឆ្លាតវៃ"

2018-06-13 06:39:05
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រសួងរៀបចំដែនដី នគរូបនីយកម្ម និងសំណង់ បាននឹងកំពុងចាប់ផ្តើមបញ្ជ្រាបការយល់ដឹងពីទស្សទានអភិវឌ្ឍន៍ទីក្រុងឆ្លាតវៃ (Smart City) ដល់និស្សិត ដែលកំពុងសិក្សាស្ថាបត្យកម្ម និងសំណង់ មកពីគ្រឹះស្ថានឧត្តមសិក្សានានា តាមរយៈសិក្ខាសាលាមួយស្តីពី «យុទ្ធសាស្រ្តនៃការអភិវឌ្ឍទីក្រុងក្នុងវិស័យស្ថាបត្យកម្ម និងសំណង់»។ សិក្ខាសាលានេះ ធ្វើឡើងកាលពីរសៀលថ្ងៃទី១១ ខែមិថុនា ឆ្នាំ២០១៨ ដោយមានការចូលរួមធ្វើបទបង្ហាញពីលោក Hirotaka Sekido អគ្គនាយករងក្រុមហ៊ុនស្តាតគ្រុប នៃប្រទេសជប៉ុន។

យោងតាមការចុះផ្សាយរបស់កាសែតរស្មីកម្ពុជា នៅថ្ងៃទី១៣ ខែមិថុនា ឆ្នាំ២០១៨នេះ ដោយដកស្រង់សម្តី រដ្ឋលេខាធិការក្រសួងដែនដី លោក ភឿង សុភ័ណ្ឌ ឱ្យដឹងថា ការរៀបចំសិក្ខាសាលានេះឡើង គឺពិតជាមានសារៈសំខាន់ណាស់ ដើម្បីអភិវឌ្ឍធនធានមនុស្ស ដោយផ្តល់ចំណេះដឹងបន្ថែមឱ្យនិស្សិតស្វែងយល់បានកាន់តែច្រើន ពីការរីកចម្រើននៃក្រុងឆ្លាតវៃ ក្នុងប្រទេសជប៉ុន និងយកចំណេះដឹងនេះ ដើម្បីអភិវឌ្ឍទីក្រុងកម្ពុជា។

រាជធានីភ្នំពេញ ស្ថិតក្នុងចំណោមក្រុង៣របស់កម្ពុជា ដែលត្រូវបានជ្រើសរើស ធ្វើជាទីក្រុងសាកល្បងនៃគម្រោងបណ្តាញក្រុងឆ្លាតវៃអាស៊ាន

លោកបន្តថា បច្ចុប្បន្នរាជធានីភ្នំពេញ មានអគារកម្ពស់ចាប់ពី ៥ជាន់ឡើងទៅ ចំនួន ៧៩១អគារ ហើយក៏មានបុរីលំនៅឋាន ចំនួន ១៣៤ទីតាំង និងមានការជំរុញក្នុងការបង្កើតទីក្រុងរណបថ្មីៗ លំនៅឋានតំបន់សេដ្ឋកិច្ចពិសេស និងអគារឧស្សាហកម្មជាដើម។

គួររំលឹកថា កាលពីថ្ងៃទី១ ខែឧសភា ឆ្នាំ២០១៨ នាយកប្រតិបត្តិក្រុមហ៊ុនជប៉ុន Minebea (Cambodia) លោក Yoshihisa Kainuma បានបញ្ជាក់ពីបំណងក្នុងការរួមចំណែកធ្វើឱ្យរាជធានីភ្នំពេញ ក៏ដូចជាទីក្រុងផ្សេងៗទៀតនៅកម្ពុជា ក្លាយទៅជា ទីក្រុងឆ្លាតវៃ។ ការបញ្ជាក់នេះ ធ្វើឡើងក្នុងជំនួបជាមួយសម្តេចនាយករដ្ឋមន្រ្តី ហ៊ុន សែន បន្ទាប់ពីទីក្រុង៣របស់កម្ពុជា រួមមាន ភ្នំពេញ បាត់ដំបង និងសៀមរាប ត្រូវបានជ្រើសរើសធ្វើជាទីក្រុងសាកល្បងនៃគម្រោងបណ្តាញក្រុងឆ្លាតវៃអាស៊ាន (ASCN) ក្នុងអំឡុងកិច្ចប្រជុំកំពូលអាស៊ានលើកទី៣២ នៅប្រទេសសិង្ហបុរី កាលពីចុងខែមេសា ឆ្នាំ២០១៨កន្លងទៅ៕

អត្ថបទទាក់ទង៖

ប្រភព៖ រស្មីកម្ពុជា ប្រែសម្រួល៖ សំភី