អ្នកជាប់បាក់ឌុបឆ្នាំ២០១៥ អាចដកសញ្ញាបត្របានហើយ

2018-06-15 03:13:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អ្នកដែលបានប្រឡងជាប់សញ្ញាបត្រមធ្យមសិក្សាទុតិយភូមិ សម័យប្រឡង ២៤ សីហា ឆ្នាំ២០១៥ អាចដកសញ្ញាបត្របានហើយនៅតាមមន្ទីរអប់រំ យុវជន និងកីឡារាជធានី-ខេត្ត។ នេះបើតាមសេចក្តីជូនដំណឹងរបស់ក្រសួងអប់រំ យុវជន និងកីឡា កាលពីថ្ងៃទី១៤ ខែមិថុនា ឆ្នាំ២០១៨។

លោក ហង់ ជួន ណារ៉ុន រដ្ឋមន្រ្តីក្រសួងអប់រំ បានណែនាំឱ្យប្រធានមន្ទីរអប់រំរាជធានី-ខេត្ត ចាត់តំណាងឱ្យមកទទួលសញ្ញាបត្រនេះ នៅនាយកដ្ឋានកិច្ចការប្រឡងចាប់ពីពេលនេះតទៅ ដើម្បីយកទៅចែកជូនបេក្ខជនដែលបានប្រឡងជាប់ដោយឥតគិតថ្លៃ។

បេក្ខជនប្រឡងបាក់ឌុប ទៅមើលលទ្ធផលប្រឡងនៅមណ្ឌល១កន្លែង ក្នុងរាជធានីភ្នំពេញ កាលពីឆ្នាំ២០១៦

គួររំលឹកថា កាលពីថ្ងៃទី៦ ខែមិថុនា ឆ្នាំ២០១៨កន្លងទៅ ក្រសួងអប់រំ ក៏បានប្រកាសឱ្យអ្នកដែលប្រឡងជាប់ កាលពីឆ្នាំ២០១៤ ទៅដកសញ្ញាបត្រមធ្យមសិក្សាទុតិយភូមិនេះផងដែរ៕

អត្ថបទទាក់ទង៖ អ្នកជាប់បាក់ឌុបឆ្នាំ២០១៤ អាចដកសញ្ញាបត្របានហើយ

អត្ថបទ៖ សំភី