ប្រទេសអាស៊ានពីរ ផ្ទុះកម្ដៅពាណិជ្ជកម្មដាក់គ្នា ពាក់ព័ន្ធការនាំចេញផ្លែឈើ
- 2018-06-15 08:02:25
- ចំនួនមតិ 0 | ចំនួនចែករំលែក 0
ប្រទេសអាស៊ានពីរ ផ្ទុះកម្ដៅពាណិជ្ជកម្មដាក់គ្នា ពាក់ព័ន្ធការនាំចេញផ្លែឈើ
ចន្លោះមិនឃើញ
ប្រទេសថៃ និងប្រទេសឥណ្ឌូណេស៊ី មកដល់ពេលនេះ កំពុងមានបញ្ហាពាណិជ្ជកម្មជាមួយគ្នា ពាក់ព័ន្ធនឹងបម្រាមនាំចេញផ្លែមៀន និងផ្លែធូរេនរបស់ថៃ ទៅកាន់ប្រទេសឥណ្ឌូណេស៊ី អំឡុងរដូវប្រមូលផល ដែលកំពុងចូលមកដល់។
លោករដ្ឋមន្រ្តីពាណិជ្ជកម្មថៃបញ្ជាក់ថា "វិធានការលើការនាំចូលដូច្នេះ ត្រូវចាត់ថាមិនស្មើភាព ព្រោះរដូវប្រមូលផលរបស់របស់ពួកគេ សម្រាប់ផ្លែមៀន និងផ្លែធូរេន មិនដូចនឹងរដូវប្រមូលផលរបស់ពួកយើងនោះទេ... យើងនឹងធ្វើការប្រឆាំង ដើម្បីទម្លាប់ពាណិជ្ជកម្មស្មើភាព និងបង្កើតការប្រកួតប្រជែងលើទំនិញរបស់ពួកយើង"។
លោកបានសង្កត់ធ្ងន់ថា រដ្ឋាភិបាលថៃនឹងធ្វើការត្រួតពិនិត្យទំនិញនាំចូលរបស់ឥណ្ឌូណេស៊ីកាន់តែតឹងរ៉ឹងជាងមុន ប្រសិនបើការនាំចេញរបស់ថៃត្រូវខ្ទាតចេញពីទីផ្សាររបស់ឥណ្ឌូណេស៊ី។
សូមបញ្ជាក់ថា នៅឆ្នាំ២០១៧ ប្រទេសថៃបាននាំចេញផ្លែមៀន ៩៧០០០តោនទៅកាន់ឥណ្ឌូណេស៊ី ដោយមានទំហំទឹកប្រាក់ ៨៣,៧លានដុល្លារ៕