ប៉ូលិសថៃកំពុងតាមចាប់ខ្លួននារីម៉ូដែលជាង ១ពាន់នាក់ ដែលផ្សព្វផ្សាយការភ្នាល់បាល់ World Cup
- 2018-06-19 00:05:26
- ចំនួនមតិ 0 | ចំនួនចែករំលែក 0
ប៉ូលិសថៃកំពុងតាមចាប់ខ្លួននារីម៉ូដែលជាង ១ពាន់នាក់ ដែលផ្សព្វផ្សាយការភ្នាល់បាល់ World Cup
ចន្លោះមិនឃើញ
ប៉ូលិសថៃ កាលពីសប្ដាហ៍មុន បានប្រកាសតាមចាប់ខ្លួននារីម៉ូដែលជាង ១ពាន់នាក់ ដែលបានផ្សព្វផ្សាយការភ្នាល់បាល់តាមប្រព័ន្ធអនឡានដោយខុសច្បាប់ សម្រាប់ព្រឹត្តិការណ៍ World Cup។
លោក ឧត្តមសេនីយ៍ Chalermkiat Sriworakan អគ្គមេបញ្ជាការងប៉ូលិសថៃបានបញ្ជាក់ថា ដីកាត្រូវបានធ្វើឡើងរួចរាល់ហើយ សម្រាប់ឃាត់ខ្លួនតារាម៉ូដែលជាង ១ពាន់នាក់ ដែលបានផ្សព្វផ្សាយការភ្នាល់ល្បែងអនឡានសម្រាប់វេបសាយនានា។ លោកបន្ថែមថា ប៉ូលិសក៏បានកំណត់ទីតាំងភ្នាល់បាល់ទាំងនោះហើយ និងកំពុងរងចាំដីកាតុលាការ ដើម្បីបិទទីតាំងទាំងនោះ។
ប្រសិនបើរកឃើញពិរុទ្ធភាព នារីម៉ូដែលដែលផ្សព្វផ្សាយទាំងនោះ នឹងត្រូវប្រឈមការជាប់ពន្ធនាគារ ១ឆ្នាំ និងពិន័យ្យជាប្រាក់ចំនួន ១ពាន់បាត ស្មើប្រមាណ ៣០ដុល្លារ៕