រដ្ឋាភិបាល សម្រេចដាក់បឹងយក្ខឡោមជាតំបន់ប្រើប្រាស់ច្រើនយ៉ាង
- 2018-06-19 09:28:22
- ចំនួនមតិ 0 | ចំនួនចែករំលែក 0
រដ្ឋាភិបាល សម្រេចដាក់បឹងយក្ខឡោមជាតំបន់ប្រើប្រាស់ច្រើនយ៉ាង
ចន្លោះមិនឃើញ
រាជរដ្ឋាភិបាល បាបសម្រេចបង្កើតតំបន់ប្រើប្រាស់ច្រើនយ៉ាង-បឹងយក្ខឡោម ដែលមានផ្ទៃដីសរុបចំនួន ២២៥ហិកតា ស្ថិតក្នុងភូមិសាស្ត្រសង្កាត់យក្ខឡោម ក្រុងបានលុង ខេត្តរតនគិរី។ នេះបើតាមអនុក្រឹត្យស្តីពី ការបង្កើតតំបន់ប្រើប្រាស់ច្រើនយ៉ាង "បឹងយក្ខឡោម" ចុះហត្ថលេខាដោយសម្ដេចនាយករដ្ឋមន្ត្រី ហ៊ុន សែន កាលពីថ្ងៃទី១៣ ខែមិថុនា ឆ្នាំ២០១៨។
ដើម្បីធានាឲ្យមានការថែទាំទីជម្រកសត្វព្រៃ និងប្រព័ន្ធអេកូឡូស៊ី សារព័ន្ធមជ្ឈដ្ឋានធម្មជាតិ ព្រមទាំងធានាឲ្យមានការបំពេញលក្ខខណ្ឌចាំបាច់សម្រាប់ប្រភេទណាមួយនៃសត្វព្រៃ រុក្ខជាតិ និងជីវចម្រុះ
រក្សាលំនឹងបរិស្ថាន ការពារនិងអភិរក្សធនធានធម្មជាតិ និងរួមចំណែកកាត់បន្ថយការប្រែប្រួលអាកាសធាតុនិងហានិភ័យគ្រោះមហន្តរាយធម្មជាតិ
ផ្ដល់ផលិតផល និងសេវាកម្មធម្មជាតិ សម្រាប់ការប្រើប្រាស់ដោយនិរន្តរភាព
លើកទឹកចិត្តឲ្យមានការចូលរួមរបស់សហគមន៍មូលដ្ឋាន ក៏ដូចជាអ្នកពាក់ព័ន្ធក្នុងការថែរក្សាការពារអភិរក្ស និងការប្រើប្រាស់ធនធានធម្មជាតិដោយនិរន្តរភាព
បង្កើនតួនាទីប្រព័ន្ធអេកូឡូស៊ីតំបន់ការពារធម្មជាតិ សម្រាប់ជាផលប្រយោជន៍ដល់សង្គមជាតិ គ្រប់ជំនាន់
ផ្ដល់ផលិតផល និងសេវាកម្មធម្មជាតិសម្រាប់ប្រើប្រាស់តាមតម្រូវការរបស់សហគមន៍មូលដ្ឋាន។
អនុក្រឹត្យ បញ្ជាក់ថា តំបន់ប្រើប្រាស់ច្រើនយ៉ាង បឹងយក្ខឡោម នេះមិនរួមបញ្ចូលដីកម្មសិទ្ធិឯកជន និងដីប្រើប្រាស់ជាប្រយោជន៍សាធារណៈឡើយ៕