គីម ជុងអ៊ុន ទៅជួប ស៊ី ជីងពីង ៣ដង ក្នុងរយៈពេល ៣ខែចុងក្រោយនេះ

2018-06-19 23:57:16
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក គីម ជុងអ៊ុន មេដឹកនាំកំពូលកូរ៉េខាងជើងបានធ្វើទស្សនកិច្ចទៅជួបពិភាក្សាជាមួយលោក ស៊ី ជីងពីង ប្រធានាធិបតីចិន ចំនួន ៣ដងហើយ ក្នុងរយៈពេល ៣ខែចុងក្រោយនេះ។

ក្នុងនោះ ទស្សនកិច្ចលើកទី១ គឺធ្វើឡើងនៅក្រុងប៉េកាំង ចាប់ពីថ្ងៃទី២៥ ដល់ ២៨ ខែមីនា ២០១៨ មុនលោក គីម ជុងអ៊ុន ជួបចរចាជាមួយលោក មូន ចេអ៊ីន ប្រធានាធិបតីកូរ៉េខាងត្បូង។ ទស្សនកិច្ចលើកទី២ គឺធ្វើឡើងនៅក្រុង Dalian នៅដើមខែឧសភា ២០១៨ បន្ទាប់ពីលោក គីម ជុងអ៊ុន បានជួបចរចាជាមួយលោក មូន ចេអ៊ីន ប្រធានាធិបតីកូរ៉េខាងត្បូង កាលពីចុងខែមេសា ២០១៨ កន្លងទៅ។ ចំណែកទស្សនកិច្ចលើកទី៣ គឺធ្វើឡើងនៅក្រុងប៉េកាំង ពីថ្ងៃទី១៩ ដល់ ២០ ខែមិថុនា ២០១៨ ក្រោយលោក គីម ជុងអ៊ុន បានជួបចរចាជាមួយលោក ដូណាល់ ត្រាំ ប្រធានាធិបតីអាមេរិក កាលពីថ្ងៃទី១២ ខែមិថុនា ២០១៨ កន្លងទៅ។

អំឡុងជំនួបជាមួយលោក គីម ជុងអ៊ុន កាលពីម្សិលមិញ លោក ស៊ី ជីងពីង ថា លោកមានការរីករាយ សម្រាប់ការសម្រេចរបស់កូរ៉េខាងជើង ដើម្បីលើកកម្ពស់កំណែទម្រង់សេដ្ឋកិច្ច ហើយបានទទួលយកការគាំទ្រពីប្រទេសចិន។

ចំណែកលោក គីម ជុងអ៊ុន បានអរគុណ និងកោតសរសើរប្រទេសចិន សម្រាប់ការជំរុញរំលាយនុយក្លេអ៊ែរនៅឧបទ្វីបកូរ៉េ និងបានដើរតួនាទីយ៉ាងសំខាន់ក្នុងការការពារសន្ដិភាព និងស្ថិរភាពឧបទ្វីបនេះ៕

ប្រភព៖ CGTN ប្រែសម្រួល៖ វាសនា