អតីតរដ្ឋមន្ត្រីការបរទេសថៃជាប់ពន្ធនាគារ២ឆ្នាំ ពីបទចេញលិខិតឆ្លងដែនជូនលោកថាក់ស៊ីន

2018-06-20 02:15:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

តុលាការកំពូលថៃ កាលពីថ្ងៃទី១៩ មិថុនាម្សិលមិញ បានកាត់ទោសអតីតរដ្ឋមន្ត្រីការបរទេស លោក Surapong Tohvichakchaikul ឲ្យជាប់ពន្ធនាគាររយៈពេល២ ឆ្នាំ ពីបទចេញលិខិតឆ្លងដែនជាថ្មីជូនដល់អតីតនាយករដ្ឋមន្ត្រីថៃ លោក ថាក់ស៊ីន ស៊ីណាវ៉ាត់ត្រា ក្នុងឆ្នាំ២០១១។

លោក Surapong បានទៅដល់តុលាការ កាលពីថ្ងៃទី១៩ មិថុនា ឆ្នាំ២០១៨។ រូបភាព៖ Chalinee Thirasupa

ការចេញលិខិតឆ្លងដែនជូនលោកថាក់ស៊ីនជាថ្មីនេះ ត្រូវបានធ្វើឡើង អំឡុងអាណត្តិរបស់លោក Surapong ជារដ្ឋមន្ត្រីការបរទេស ក្នុងរដ្ឋាភិបាលរបស់អតីតនាយករដ្ឋមន្ត្រីថៃ លោកស្រី យីងឡាក់ ស៊ីណាវ៉ាត់ត្រា ដែលជាប្អូនស្រីរបស់លោកថាក់ស៊ីន។

តុលាការថៃ បានបញ្ជាក់ថា បទល្មើសរបស់លោក Surapong គឺប្រឆាំងទៅនឹងច្បាប់ឆ្នាំ២០០៥របស់ក្រសួងការបរទេស ដែលពាក់ព័ន្ធនឹងការចេញលិខិតឆ្លងដែនជាថ្មី។

ជាមួយគ្នានេះ តុលាការថៃ បានលើកឡើងទៀតថា ការចេញលិខិតឆ្លងដែនជូនដល់លោកថាក់ស៊ីននេះ បានធ្វើឲ្យខូចសេចក្តីថ្លៃថ្នូរនៃប្រព័ន្ធយុត្តិធម៌របស់ប្រទេស។

លោក ថាក់ស៊ីន ថតកាលពីពេលកន្លងមក។ រូបភាព៖ Bangkokpost

គួររម្លឹកថា នៅពេលលោក Surapong កាន់តំណែងជារដ្ឋមន្ត្រីការបរទេស ក្នុងឆ្នាំ២០១១ លោក បានដាក់បញ្ជាឲ្យក្រសួងការបរទេសចេញលិខិតឆ្លងដែនចំនួន ២ ជូនដល់លោក ថាក់ស៊ីន ដែលលិខិតឆ្លងដែនចាស់របស់លោក ត្រូវបានដកហូតកាលពីខែធ្នូឆ្នាំ២០០៨ ដោយរដ្ឋាភិបាល លោកAbhisit Vejjajiv៕

លោកថាក់ស៊ីន បានរស់នៅដោយការនិរទេសខ្លួននៅឯបរទេស ចាប់តាំងពីឆ្នាំ២០០៨មកម្ល៉េះ៕

ប្រភព៖ The Nation ប្រែសម្រួល៖ អឹុម ម៉េងស៊ាង