នាយករដ្ឋមន្ត្រីថៃ ចេញទៅប្រទេសអឺរ៉ុប២ ដើម្បីស្រូបទាញការវិនិយោគបន្ថែម

2018-06-20 01:53:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

នៅចន្លោះពីថ្ងៃទី២០ ដល់ថ្ងៃទី២៥ ខែមិថុនា ឆ្នាំ២០១៨ លោក ប្រាយុទ្ធ ចាន់អូចា នឹងធ្វើដំណើរចេញទៅកាន់ប្រទេសអង់គ្លេស និងប្រទេសបារាំង។ នេះបើយោងតាមការប្រកាសរបស់ក្រសួងការបរទេសថៃ កាលពីថ្ងៃទី១៩មិថុនាម្សិលមិញ។

គោលបំណងនៃការចេញដំណើររបស់នាយករដ្ឋមន្ត្រីរូបនេះ គឺដើម្បីផ្សព្វផ្សាយអំពីសក្ដានុពលសេដ្ឋកិច្ចប្រទេសថៃ និងដើម្បីកៀរគរឱកាសវិនិយោគបន្ថែមទៀតពីប្រទេសអឺរ៉ុបទាំង២។ លោក ប្រាយុទ្ធ នឹងរៀបចំជំនួបជាមួយនឹងលោកស្រី Theresa May នាយករដ្ឋមន្ត្រីអង់គ្លេស នៅថ្ងៃទី២០មិថុនា ឯជំនួបជាមួយនឹងប្រធានាធិបតីបារាំងលោក Emmanuel Macron នឹងធ្វើឡើងនៅថ្ងៃទី២៥មិថុនា។

យោងតាមក្រសួងការបរទេសថៃ បានឲ្យដឹងថា អំឡុងពេលស្ថិតនៅអង់គ្លេស និងបារាំង លោក ប្រាយុទ្ធ នឹងលើកបង្ហាញពីយុទ្ធនាការសេដ្ឋកិច្ចថៃថ្មីដែលមានឈ្មោះថា "Roadshows on Thailand 4.0"។ យុទ្ធនាការនេះនឹងផ្ដោតសំខាន់លើការទាក់ទាញការវិនិយោគនៅតំបន់ឧស្សាហកម្មជាច្រើននៅច្រករបៀងសេដ្ឋកិច្ចខាងកើតប្រទេសថៃ ដែលហៅកាត់ថា EEC (Eastern Economic Corridor)៕

ប្រភព៖ Xinhua ប្រែសម្រួល៖ ឈាង.