អ្នកជំនាញប្រាប់ពីម៉ោងល្អ សម្រាប់រួមភេទ

2018-06-20 09:08:19
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

បើយោងតាមការស្រាវជ្រាវរបស់អ្នកជំនាញ ការជ្រើសរើសពេលវេលាក៏រួមចំណែកសំខាន់ផងដែរ ដើម្បីធ្វើឲ្យជីវិតផ្លូវភេទកាន់តែប្រសើរឡើង។

អ្នកជំនាញនៅស្ថាប័ន Forza Supplements របស់អង់គ្លេស បានបញ្ជាក់ឲ្យដឹងថា ម៉ោងដែលល្អបំផុតសម្រាប់ការរួមភេទគឺនៅម៉ោង ៧ និង ៣០នាទីព្រឹក។ បើតាមរបាយការណ៍សិក្សា មនុស្សជាច្រើនតែងបង្ហាញអារម្មណ៍ស្រស់ស្រាយនៅពេលរួមចំណងស្នេហ៍នៅចន្លោះម៉ោងខាងលើ។ ចំណែកឯមូលហេតុត្រូវអ្នកជំនាញរបស់ Forza Supplements បកស្រាយថា នៅពេលព្រឹកព្រលឹមមនុស្សនឹងមានកម្លាំងពេញលេញ និងអារម្មណ៍ល្អ ក្រោយរាងកាយទទួលដំណេកបានស្កប់ស្កល់។

យ៉ាងណាមិញ ប្រភពដដែលនេះ បានអះអាងបន្ថែមថា ក្នុងករណីដែលអ្នកក្រោកមិនទាន់ ឬក្រោកមុនម៉ោង ៧ និង ៣០ព្រឹក ក៏ការរួមភេទអាចប្រព្រឹត្តទៅបានដោយរលូនដដែល។ ប៉ុន្តែជាការប្រសើរ អ្នកគួរចាប់ផ្ដើមធ្វើរឿងនេះនៅក្នុងចន្លោះរយៈពេល ៤៥នាទី ក្រោយភ្ញាក់ពីដំណេក។

ពាក់ព័ន្ធនឹងប្រធានដដែលនេះ អ្នកជំនាញផ្នែកអ័រម៉ូនម្នាក់ផ្សេងទៀតឈ្មោះ Alisa Vitti ក៏បានប្រាប់ពីម៉ោងល្អក្នុងការរួមភេទដែរ។ លោកស្រី Alisa បានរៀបរាប់ក្នុងសៀវភៅរបស់គាត់ WomanCode ថា ម៉ោង៣ថ្ងៃរសៀលគឺជាវេលាអំណោយផលសម្រាប់ដៃគូផ្លូវភេទ ជាពិសេសសម្រាប់ស្ត្រី។ នៅវេលាម៉ោងប៉ុណ្ណេះ អ័រម៉ូនផ្លូវភេទ Oestrogen នឹងមានការកើនឡើងច្រើន ដែលជាហេតុធ្វើឲ្យចំណងរួមភេទកាន់តែមានភាពល្អប្រសើរ។

ចុះព្រឹកមិនមែនជាពេលវេលាល្អនោះទេ? ចំពោះបញ្ហានេះ លោកស្រី Alisa មិនបានប្រកែកថា ពេលថ្ងៃរសៀលជាវេលាល្អជាងពេលព្រឹកឡើយ។ ផ្ទុយទៅវិញ នៅក្នុងសៀវភៅរបស់លោកស្រី បានសរសេររៀបរាប់ថា ការរួមភេទពេលព្រឹកក៏ជារឿងល្អគួរធ្វើផងដែរ តែវាល្អសម្រាប់បុរសជាជាងស្ត្រី។ ការបកស្រាយរបស់លោកស្រីគឺមានលក្ខណៈស្រដៀងទៅនឹងអ្នកជំនាញ Forza Supplements តែទាស់ត្រង់ថា លោកស្រីបានលើកយកចំណុចមួយមកបង្ហាញ គឺការកើនឡើងអ័រម៉ូនផ្លូវភេទបុរស Testosterone ក្រោយពីទទួលដំណេករួច៕

ប្រភព៖ Metro | Hellogiggles ប្រែសម្រួល៖ ឈាង.