ចប់ការប្រកួត៖ Ronaldo ជាវីរបុរសជួយឲ្យព័រទុយហ្គាល់ ឆក់យក៣ពិន្ទុពីម៉ារ៉ុក

2018-06-20 13:54:01
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Cristiano Ronaldo បានតែតបញ្ចូលទី១គ្រាប់ ដែលជាគ្រាប់ជ័យជម្នះរបស់ក្រុមជម្រើសជាតិព័រទុយហ្គាល់ ទៅលើក្រុមម៉ារ៉ុក ដោយលទ្ធផល ១-០ ក្នុងការប្រកួតទី២ ពូល B ព្រឹត្តិការណ៍ FIFA World Cup 2018 ដែលទើបតែបញ្ចប់មុននេះបន្តិច។

(រូបថត៖ FIFA World Cup)

គ្រាប់បាល់តែ១គ្រាប់ នៃការប្រកួតរវាងក្រុមទាំងពីរ ធ្វើបានតាំងពីដើមវគ្គទី១ នៅនាទី៤។

សូមបញ្ជាក់ថា នេះជាគ្រាប់ទី៤ របស់ Ronaldo ក្នុងព្រឹត្តិការណ៍ FIFA World Cup 2018 និងជាគ្រាប់ទី៤ របស់ព័រទុយហ្គាល់នៅក្នុងព្រឹត្តិការណ៍នេះផងដែរ។

(រូបថត៖ FIFA World Cup)

លទ្ធផលនេះ ជួយឲ្យ ព័រទុយហ្គាល់ ក្រោយឆ្លងកាត់២ប្រកួត ឈរនៅលេខ១ ក្នុងពូល B ដោយមាន ៤ពិន្ទុ បន្ទាប់ពីស្មើអេស្ប៉ាញ ៣-៣ កាលពីប្រកួតបើកឆាក។ ចំណែកម៉ារ៉ុក មាន ០ពិន្ទុ បន្ទាប់ពីចាញ់អ៊ីរ៉ង់ ១-០ កាលពីប្រកួតបើកឆាក។

អេស្ប៉ាញ ដែលមាន១ពិន្ទុ និង អ៊ីរ៉ង់ ដែលមាន៣ពិន្ទុ នឹងត្រូវជួបគ្នាក្នុងការប្រកួតទី២ នៃពូល B វេលាម៉ោង១រំលងអាធ្រាត្រ ឈានចូលថ្ងៃទី២១ ខែមិថុនា ឆ្នាំ២០១៨៕

ចុច ទីនេះ ដើម្បីមើលការតែតបញ្ចូលទីរបស់ Ronaldo

អត្ថបទទាក់ទង

អត្ថបទ៖ លាភ.