តារាកូនកាត់ថៃម្នាក់ ប្រឈមនឹងការជាប់ពន្ធនាគារ ព្រោះផ្សព្វផ្សាយការភ្នាល់បាល់

2018-06-21 02:00:54
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

Jessie Vard ដែលជាតារាម៉ូឌែលល្បីសញ្ជាតិអៀរឡង់កាត់ថៃ ត្រូវបានប៉ូលិសឃាត់ខ្លួន កាលពីពេលថ្មីៗកន្លងទៅ ពាក់ព័ន្ធនឹងរឿងជួយផ្សព្វផ្សាយការភ្នាល់បាល់នៅលើបណ្ដាញសង្គម។ ក្នុងករណីនេះ តារាស្រីវ័យ១៩ឆ្នាំ អាចប្រឈមនឹងការជាប់ពន្ធនាគាររយៈពេល ១ឆ្នាំ ឬពិន័យជាប្រាក់ចំនួន ១ពាន់បាត (ប្រហែល ៣០ដុល្លារ)។

នាង Jessie បាននិយាយថា នាងមិនបានដឹងសោះឡើយថា វិបសាយភ្នាល់បាល់អនឡាញជារឿងផ្ទុយនឹងច្បាប់ប្រទេសថៃ។ យ៉ាងណាមិញ នាងក៏បានទទួលកំហុស និងធ្វើការសុំទោសចំពោះសាធារណជនផងដែរ។ "ខ្ញុំមិនដឹងទេថា វិបសាយចាក់បាល់ទាំងនោះខុសច្បាប់ឡើយ។ ខ្ញុំសុំទោសអ្នករាល់គ្នា និងយល់ព្រមទទួលកំហុសរបស់ខ្ញុំ" នេះជាការលើកឡើងរបស់ Jessie ខណៈពេលកំពុងបង្ហាញខ្លួននៅប៉ុស្តិ៍ប៉ូលិសនាទីក្រុងបាងកក កាលពីថ្ងៃទី១៩ ខែមិថុនា ឆ្នាំ២០១៨។

មិនមែនមានតែ Jessie ម្នាក់ទេដែលត្រូវប៉ូលិសឃាត់ខ្លួន តារាម៉ូឌែលចំនួន ១៤រូបផ្សេងទៀតក៏ត្រូវប្រឈមនឹងទោសទណ្ឌដូច Jessie អ៊ីចឹងដែរ។ តារាម៉ូឌែលទាំងនោះ មានអាយុជាមធ្យមចន្លោះពី ២០ ដល់ ២៥ឆ្នាំ។ ពួកគេអាចទទួលបានចំណូលរាប់ម៉ឺនដុល្លារឯណោះក្នុង១ខែៗ សម្រាប់ការផ្សព្វផ្សាយឲ្យវិបសាយភ្នាល់ល្បែងអនឡាញ៕

ប្រភព៖ Dailystar ប្រែសម្រួល៖ ឈាង.