ថៃ គ្រោងចំណាយជាង ១ពាន់លានដុល្លារ ដើម្បីពង្រីកព្រលានយន្តហោះសុវណ្ណភូមិ

2018-06-21 02:30:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមប្រឹក្សាអាកាសយានដ្ឋានថៃ (AoT) បានប្រកាសកាលពីថ្ងៃទី២០ ខែមិថុនា ឆ្នាំ២០១៨ថា ខ្លួនបានយល់ព្រមលើគម្រោងពង្រីកព្រលានយន្តហោះអន្តរជាតិសុវណ្ណភូមិ ក្នុងក្រុងបាងកក ដែលចំណាយប្រមាណ ៤២,១ពាន់លានបាត (ជាង ១,២ពាន់លានដុល្លារ)។

ព្រលានយន្តហោះអន្តរជាតិសុវណ្ណភូមិ ឬព្រលានយន្តហោះក្រុងបាងកក (រូបថត៖ វិបសាយ Aanavandi)

AoT បញ្ជាក់ថា ការពង្រីកព្រលានយន្តហោះនេះ គឺដើម្បីត្រៀមទទួលភ្ញៀវទេសចរ ដែលមានសន្ទុះកើនឡើងខ្លាំង។ ព្រលានយន្តហោះនេះ ត្រូវបានរំពឹងថា នឹងទទួលអ្នកដំណើរបាន ៦៥លាននាក់នៅឆ្នាំ២០១៨នេះ និង ៦៨លាននាក់នៅឆ្នាំ២០១៩។

ទោះជាយ៉ាងណា គម្រោងនេះ ត្រូវរង់ចាំការអនុម័តពីគណៈរដ្ឋមន្រ្តីថៃជាមុនសិន។ ការសាងសង់ពង្រីកបន្ថែមព្រលានយន្តហោះនេះ អាចនឹងចាប់ផ្តើមនៅឆ្នាំ២០១៩ និងបញ្ចប់នៅឆ្នាំ២០២១៕

អត្ថបទទាក់ទង៖ ថៃ គ្រោងចំណាយជិត៤ពាន់លានដុល្លារ សង់ព្រលានយន្តហោះថ្មីក្នុងខេត្តចំនួន២

ប្រភព៖ Bangkokpost ប្រែសម្រួល៖ សំភី