នាយករដ្ឋមន្ត្រីអង់គ្លេស ជំរុញឲ្យមានការបោះឆ្នោតដោយសេរីនៅប្រទេសថៃ

2018-06-21 03:02:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោកស្រី Theresa May នាយករដ្ឋមន្ត្រីអង់គ្លេស បានអំពាវនាវឲ្យប្រទេសថៃមានការរៀបចំការបោះឆ្នោតជាតិដោយសេរី និងបើកចំហមួយ នាពេលខាងមុខ។ ការអំពាវនាវនេះ ធ្វើឡើងក្នុងជំនួបរវាងលោកស្រី May និងលោក ប្រាយុទ្ធ ចាន់អូចា កាលពីថ្ងៃទី២០ ខែមិថុនា ឆ្នាំ២០១៨ នៅវិមានរដ្ឋាភិបាលអង់គ្លេស។

ជំនួបរវាងលោក ប្រាយុទ្ធ ចាន់អូចា និងលោកស្រី Theresa May នៅវិមានរដ្ឋាភិបាលអង់គ្លេស/ រូបភាព៖ វិមានរដ្ឋាភិបាលអង់គ្លេស

"លោកស្រីនាយករដ្ឋមន្ត្រី បានជំរុញឲ្យបន្តដំណើរការពាក់ព័ន្ធនឹងការបោះឆ្នោតដោយសេរី និងបើកចំហនៅក្នុងប្រទេសថៃ ដែលស្របទៅនឹងស្តង់ដារអន្តរជាតិ ដោយក្នុងនោះរាប់បញ្ចូលទាំងការលើកលែងការរឹតត្បិតលើគណបក្សនយោបាយនៅក្នុងដំណាក់កាលដំបូង" នេះជាការលើកឡើងរបស់អ្នកនាំពាក្យនាយករដ្ឋមន្ត្រីអង់គ្លេស។

ពាក់ព័ន្ធនឹងការអំពាវនាវនេះ លោក ប្រាយុទ្ធ ចាន់អូចា បានឆ្លើយតបទៅវិញថា ថៃនឹងរៀបចំឲ្យមានការបោះឆ្នោតជាតិនៅដើមឆ្នាំ២០១៩ខាងមុខ។ យ៉ាងណាមិញ លោកមិនបានលម្អិតពីកាលបរិច្ឆេទ ឬដំណើរការជាក់លាក់នោះទេ៕

ប្រភព៖ Bangkokpost ប្រែសម្រួល៖ ឈាង.