កូរ៉េខាងជើង គ្រោងនឹងបើកជើងហោះហើរផ្ទាល់ទៅកាន់ទីក្រុងបុរាណមួយរបស់ចិន

2018-06-22 04:24:06
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមហ៊ុនអាកាសចរណ៍ជាតិរបស់កូរ៉េខាងជើង Air Koryo គ្រោងនឹងបើកជើងហោះហើរថ្មី ភ្ជាប់ពីទីក្រុងព្យុងយ៉ាងទៅកាន់ទីក្រុងបុរាណ Xian ក្នុងខែត្រ Shaanxi ប្រទេសចិន។ នេះបើតាមតាមការបញ្ជាក់របស់អ្នកតំណាង ១រូបមកពីក្រុមហ៊ុនអាកាសចរណ៍ Air Koryo កាលពីថ្ងៃទី២១ ខែមិថុនា ម្សិលមិញ។

ជម្រករបស់អ្នកចម្បាំងចិន Terracotta នៅក្នុងទីក្រុងXian ខែត្រ Shaanxi ប្រទេសចិន

អ្នកតំណាងខាងលើបានប្រាប់ទៅកាន់ភ្នាក់ងារសារព័ត៌មាន AFP ថា «មានគម្រោងមួយសម្រាប់ជើងហោះហើរផ្ទាល់ទៅកាន់ទីក្រុងបុរាណ Xian ដែលជាទីតាំងទាក់ទាញភ្ញៀវទេសចរដ៏សំខាន់មួយ ពោលគឺជាជម្រករបស់អ្នកចម្បាំងចិន Terracotta»។ ប៉ុន្តែបុគ្គលិកដដែលនេះ បាននិយាយថា លោកមិនដឹងថាច្បាស់ទេថា តើជើងហោះហើរថ្មីនេះ នឹងចាប់ផ្ដើមនាខែកក្កដាឬយ៉ាងណា។

គួរបញ្ជាក់ថា ជាមួយនឹងការបើកជើងហោះហើរថ្មីនេះ Xian នឹងក្លាយជាទីក្រុងទី៥ ដែលមានជើងហោះហើរផ្ទាល់ពីទីក្រុងព្យុងយ៉ាង បន្ទាប់ពីទីក្រុងប៉េកាំង សៀងហៃ Shenyang និង Chengdu៕

ប្រភព៖ Channelnewsasia ប្រែសម្រួល៖ អឹុម ម៉េងស៊ាង