ស៊ី ជីងពីង ជំរុញអគ្គនាយកក្រុមហ៊ុនសាជីវកម្មអន្តរជាតិសហការជាមួយក្រុមហ៊ុនចិន

2018-06-22 08:58:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ស៊ី ជីងពីង ប្រធានាធិបតីចិន បានជំរុញឲ្យអគ្គនាយកក្រុមហ៊ុនសាជីវកម្មអន្តរជាតិនានា សហការជាមួយក្រុមហ៊ុនចិន ដើម្បីសម្រេចផលប្រយោជន៍ទៅវិញទៅមក និងទទួលបានលទ្ធផលកាន់តែមាននិរន្តរភាព។

លោក ស៊ី ជីងពីង ជួបជាមួយអគ្គនាយកក្រុមហ៊ុនសាជីវកម្មអន្តរជាតិនានា (រូបភាព៖ Xinhua)

ប្រសាសន៍របស់លោក ស៊ី ជីងពីង បានធ្វើឡើងអំឡុងលោកជួបជាមួយអគ្គនាយកក្រុមហ៊ុនសាជីវកម្មអន្តរជាតិនានា ដែលបានចូលរួមក្នុងជំនួបក្រុមប្រឹក្សាអគ្គនាយកសាកល នៅក្រុងប៉េកាំង កាលពីថ្ងៃទី២១ ខែមិថុនា ម្សិលមិញ។

អំឡុងជំនួបនោះ លោក ស៊ី និងអគ្គនាយកក្រុមហ៊ុននានាបានផ្លាស់ប្ដូរយោបល់គ្នាលើប្រធានបទជាច្រើន ដែលមានដូចជា គំនិតផ្ដួចផ្ដើមផ្លូវមួយខ្សែក្រវាត់មួយ នវានុវត្តន៍ និងរោងចក្រ-សហគ្រាសឆ្លាតវៃ ការអភិវឌ្ឍបៃតង និងអភិបាលកិច្ចសាកល។

ជាមួយគ្នានេះ លោក ស៊ី បានលើកឡើងថា ក្រុមហ៊ុនជាច្រើនបានចូលរួម ធ្វើសាក្សី បរិច្ចាគ និងទាញយកផលប្រយោជន៍ពីការកំណែទម្រង់ និងបើកចំហរបស់ចិន ជាងរយៈពេល ៤ទសវត្សហើយ អំឡុងប្រទេសចិនរក្សាបានកំណើនសេដ្ឋកិច្ចថេរ និងជួយមនុស្សជាង ៧០០លាននាក់ចាកចេញពីភាពក្រីក្រ ស្របតាមស្តង់ដាររបស់អង្គការសហប្រជាជាតិ៕

ប្រភព៖ Xinhua ប្រែសម្រួល៖ វាសនា