អត្តសញ្ញាណបណ្ណជិត ១០លានបណ្ណ ត្រូវបានចែកជូនដល់ប្រជាពលរដ្ឋ មុនបោះឆ្នោត

2018-06-22 09:30:17
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

អត្តសញ្ញាណបណ្ណ ត្រូវបានផ្ដល់ជូនប្រជាពលរដ្ឋខ្មែរនៅទូទាំងប្រទេស មុនពេលបោះឆ្នោតជ្រើសតាំងតំណាងរាស្ដ្រនីតិកាលទី៦ មានចំនួនជាង ៩,៨លានបណ្ណ។ នេះបើតាមការបញ្ជាក់របស់លោក ម៉ៅ ច័ន្ទតារ៉ា អគ្គនាយកនៃអគ្គនាយកដ្ឋានអត្តសញ្ញាណកម្មក្រសួងមហាផ្ទៃនៅថ្ងៃទី២២ ខែមិថុនា ឆ្នាំ២០១៨ ក្រោយបញ្ចប់ពិធីសម្ពោធដាក់ឱ្យប្រើប្រាស់ជាផ្លូវការមណ្ឌលផ្តល់សេវាបណ្ណបើកបរ នៅផ្សារទំនើបអ៊ីអន២ ខណ្ឌសែនសុខ។

លោក ម៉ៅ ច័ន្ទតារ៉ា ថ្លែងក្នុងសន្និបាតត្រួតពិនិត្យលទ្ធផលការងារអត្តសញ្ញាណកម្ម កាលពីព្រឹកថ្ងៃទី២២ ខែមករា ឆ្នាំ២០១៨ នៅទីស្តីការក្រសួងមហាផ្ទៃ។ រូបថត៖ ផ្តល់ឱ្យ

លោកបានឱ្យដឹងថា ក្នុងចំណោមប្រជាពលរដ្ឋដែលទទួលបានអត្តសញ្ញាណបណ្ណនេះ ក្នុងនោះអ្នកមានអាយុពី ១៥ ដល់ ១៨ឆ្នាំ មានជាង ៣០ម៉ឺននាក់។ ចំណែកប្រជាពលរដ្ឋប្រមាណ ៩,៥លាននាក់ គឺមានអាយុលើសពី ១៨ឆ្នាំ ដែលមានអត្តសញ្ញាណបណ្ណកាន់សម្រាប់ទៅបោះឆ្នោត។

លោកអគ្គនាយកបានបញ្ជាក់ថា ប្រជាពលរដ្ឋទូទាំងប្រទេស អាចមកធ្វើអត្តសញ្ញាណបណ្ណ នៅផ្សារទំនើបអ៊ីអន២ ក្នុងខណ្ឌសែនសុខ នៅជាន់ទី២បាន ប៉ុន្តែត្រូវមានការបញ្ជាក់ទីលំនៅពីភូមិ ឃុំ-សង្កាត់ ដែលខ្លួនបានរស់នៅកន្លងមកសិន ថាបានផ្លាស់ប្ដូរមករស់នៅភ្នំពេញ ទើបអាចមានសិទ្ធិធ្វើអត្តសញ្ញាណបណ្ណនៅផ្សារទំនើបនេះបាន។

សូមជម្រាបដែរថា អ្នកមានឈ្មោះក្នុងបញ្ជីបោះឆ្នោតសម្រាប់ការបោះឆ្នោតថ្នាក់ជាតិ នៅថ្ងៃទី២៩ ខែកក្កដា ឆ្នាំ២០១៨ខាងមុខនេះ គឺមានចំនួនសរុបជាង ៨,៣៨លាននាក់៕

អត្តបទទាក់ទង៖

ប្រភព៖ ដើមអម្ពិល ប្រែសម្រួល៖ សំភី