ស៊ី ជីងពីង ដាក់ចេញគោលនយោបាយតម្រង់ទិស សម្រាប់កិច្ចការការទូត
- 2018-06-25 01:17:27
- ចំនួនមតិ 0 | ចំនួនចែករំលែក 0
ស៊ី ជីងពីង ដាក់ចេញគោលនយោបាយតម្រង់ទិស សម្រាប់កិច្ចការការទូត
ចន្លោះមិនឃើញ
លោក ស៊ី ជីងពីង ប្រធានាធិបតីចិន បានដាក់ចេញគោលនយោបាយតម្រង់ទិសសម្រាប់ការងារការទូតរបស់ចិន អំឡុងសន្និសីទកិច្ចការការទូត កាលពីថ្ងៃសៅរ៍ ចុងសប្ដាហ៍មុន។ លោក ស៊ី ថា គោលនយោបាយការបរទេសរបស់ចិន ត្រូវតែប្ដេជ្ញាធ្វើឲ្យជាតិមានភាពប្រសើរឡើង និងការបង្កើតសហគមន៍មួយដែលមានអនាគតរួមគ្នា រួមជាមួយការជួយធ្វើកំណែទម្រង់ និងធ្វើឲ្យប្រសើរឡើងនូវប្រព័ន្ធអភិបាលកិច្ចសាកល និងបង្កើតបណ្ដាញប្រសើរមួយរវាងដៃគូអន្តរជាតិនានា។
ទីមួយ៖ បង្កើនការស្វែងយល់កាន់តែស៊ីជម្រៅអំពីប្រវត្តិសាស្ត្រ ដើម្បីយល់ពីនិន្នាការសាកលនាពេលបច្ចុប្បន្ន។
ទីពីរ៖ ផ្ដោតលើការខិតខំការទូត មិនឲ្យមានការខាតបង់ ខណៈដែលមានការប្រែប្រួលនៅក្នុងគ្រប់ស្ថានភាព។
ទីបី៖ ត្រូវតែដឹងច្បាស់ពីតួនាទីរបស់ចិននៅក្នុងកិច្ចការសាកល។
ជាមួយគ្នានេះ លោក ស៊ី ក៏បានលើកឡើងថា បច្ចុប្បន្ននេះ គឺជាពេលវេលាដ៏ល្អបំផុតសម្រាប់នយោបាយការទូតរបស់ចិន។ លោក ស៊ី ក៏បានអំពាវនាវឲ្យមន្ត្រីចិនរៀនសូត្រពីប្រទេសផ្សេងទៀតក្នុងពិភពលោក ដើម្បីការពារផលប្រយោជន៍របស់ចិន៕