Galaxy S10 នឹងដកចោលមុខងារស្កេនភ្នែក តែថែមបច្ចេកវិទ្យាថ្មីចំនួន២

2018-06-25 10:02:33
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមការចុះផ្សាយរបស់សារព័ត៌មានកូរ៉េខាងត្បូង The Bell បានឲ្យដឹងថា ជំនាន់ថ្មីនៃកំពូលស្មាតហ្វូនត្រកូល S របស់ Samsung នឹងមិនត្រូវបានបំពាក់មុខងារស្កេនប្រស្រីភ្នែកដូច Note 8 និង S9 ទៀតឡើយ។

ប្រភពដដែល បញ្ជាក់ថា ការដកចោលមុខងារដែលមានអាយុកាលត្រឹម២ឆ្នាំនេះ គឺដោយសារតែ Samsung នឹងបន្ថែមបច្ចេកវិទ្យាថ្មីចំនួន២ផ្សេងនៅលើ Galaxy S10។ បច្ចេកវិទ្យានោះមាន ការស្កេនក្រយៅដៃលើអេក្រង់ និងការស្កេនមុខបែប 3D ដោយប្រើកាមេរ៉ាមុខ។

Galaxy S10 (រូបតំណាង)/ រូបភាព៖ Trusted Reviews

ពាក់ព័ន្ធនឹងការដកចោលមុខងារនេះដែរ សារព័ត៌មានបច្ចេកវិទ្យា Cnet បានចុះផ្សាយថា មូលហេតុគឺព្រោះតែមុខងារស្កេនប្រស្រីភ្នែករបស់ Samsung នៅមិនទាន់ដំណើរការល្អខ្លាំងនៅឡើយទេ ព្រោះពេលកន្លងទៅធ្លាប់មានគេដោះសោមុខងារនេះបានដោយប្រើរូបថត ឬ contact lens របស់ម្ចាស់ទូរសព្ទ៕

ប្រភព៖ Cnet ប្រែសម្រួល៖ ឈាង.