សំណុំរឿងស្ត្រីខ្មែរពរពោះជំនួស៖ តុលាការសម្រេចឃុំខ្លួនជនជាតិចិន និងមេការ ៥នាក់
- 2018-06-25 10:30:03
- ចំនួនមតិ 0 | ចំនួនចែករំលែក 0
សំណុំរឿងស្ត្រីខ្មែរពរពោះជំនួស៖ តុលាការសម្រេចឃុំខ្លួនជនជាតិចិន និងមេការ ៥នាក់
ចន្លោះមិនឃើញ
សំណុំរឿងស្រ្តីខ្មែរពរពោះជំនួស៣៣នាក់ និងជួញដូរមនុស្សឆ្លងដែន ចៅក្រមស៊ើបសួរសាលាដំបូងរាជធានីភ្នំពេញ បានសម្រេចឃុំខ្លួនមនុស្សចំនួន០៥នាក់ ក្នុងនោះមានបុរសជនជាតិចិនម្នាក់ និងនារីខ្មែរចំនួន ០៤នាក់ កាលពីរសៀលថ្ងៃទី២៥ ខែមិថុនា ឆ្នាំ២០១៨ ដើម្បីរង់ចាំការស៊ើបអង្កេតជាបន្តទៀត។
ជនសង្ស័យទាំង៥នាក់មានដូចជា៖ ១.ឈ្មោះ Tiu Qiang ភេទប្រុស ជនជាតិចិន អាយុ ៤៩ឆ្នាំ ជាមេការ។ ២. ឈ្មោះ ស្វាយ ស៊ីណុច ភេទស្រី អាយុ ៣៤ឆ្នាំ ជាមេការ។ ៣. ឈ្មោះ នឿន ស្រីឡាង ភេទស្រី អាយុ ២៧ឆ្នាំ ជាមេការ។ ៤. ឈ្មោះ លឹម សុភាព ភេទស្រី អាយុ ១៩ឆ្នាំ ជាអ្នកបកប្រែ និង៥. ឈ្មោះ ថៃ ភាព ភេទស្រី អាយុ ៤៣ឆ្នាំ ជាមេការ។ មនុស្សទាំង០៥នាក់នេះ ជាប់សង្ស័យក្នុងការប្រព្រឹត្តបទល្មើសលក់ដូរមនុស្សសម្រាប់នាំឆ្លងដែន។
តាមចម្លើយរបស់នារីពរពោះជំនួសទាំង៣៣នាក់ ឱ្យដឹងថា ក្នុងកូន១ដែលពួកគាត់ពរពោះជំនួសនេះ ទទួលបានប្រាក់កំរៃចំនួន ១ម៉ឺនដុល្លារ គិតចាប់ពីខែដំបូង ឱ្យចំនួន៥០០ដុល្លារ ខែបន្ទាប់ ៣០០ដុល្លារ រហូតដល់កើត ទើបទទួលបានចំនួន ៦ពាន់ដុល្លារបន្ថែមទៀត។ ចំពោះការថែទាំគភ៌ ការប្រសូត្រ គឺជាបន្ទុករបស់ក្រុមហ៊ុន។
លក្ខណៈពិសេសនៃការពរពោះជំនួសក្នុងករណីនេះ គឺពេលជិតដល់ត្រូវឆ្លងទន្លេ ប្រសូត្រ គឺក្រុមហ៊ុនបញ្ជូនស្ត្រីពរពោះទៅប្រទេសចិន សម្រាលកូនរួចទើបបញ្ជូនមកស្រុកខ្មែរវិញ ហើយប្រគល់លុយបង្គ្រប់ ១ម៉ឺនដុល្លារ ៕