World Cup៖ អ៊ុយរុយហ្គាយ បំបាក់ក្រុមម្ចាស់ផ្ទះរុស្ស៊ីចាស់ដៃ ក្នុងថ្ងៃបញ្ចប់ពូល A

2018-06-25 16:14:27
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

ក្រុមបាល់ទាត់ជម្រើសជាតិអ៊ុយរុយហ្គាយ បានរក្សាកំណត់ត្រាឈ្នះរហូត ក្នុង FIFA World Cup 2018 ក្រោយបំបាក់ក្រុមម្ចាស់ផ្ទះរុស្ស៊ី ៣-០ នាយប់ថ្ងៃទី២៥ ខែមិថុនានេះ។ លទ្ធផលនេះ មានន័យថា អ៊ុយរុយហ្គាយ ក្លាយជាក្រុមលេខ១ ពូល A ដោយមាន ៩ពិន្ទុ ក្នុង៣ប្រកួត ចំណែករុស្ស៊ី ឈរលេខ២ ក្នុងពូល ដោយមាន ៦ពិន្ទុ។ ក្រុមទាំង២ នឹងត្រូវឡើងទៅវគ្គ ១៦ក្រុមចុងក្រោយ។

៣គ្រាប់របស់រុស្ស៊ី រកបានដោយ Luis Suarez, Edinson Cavani និង Denis Cheryshev (ចូលទីខ្លួនឯង)។

១គូទៀត ក្នុងពូល A ដូចគ្នានេះ គឺអារ៉ាប៊ីសាអូឌីត បានយកឈ្នះ អេហ្ស៊ីប ២-១។ ក្រុមទាំង២ បានធ្លាក់ក្នុងពូលដូចគ្នា ប៉ុន្តែអារ៉ាប៊ីសាអូឌីត ឈរលេខ៣ ក្នុងពូល មាន៣ពិន្ទុ ខណៈអេហ្ស៊ីប ឈរបាតពូល ក្រោយចាញ់ទាំង៣ប្រកួត គ្មានពិន្ទុរាប់ដូចគេនោះទេ។

សូមបញ្ជាក់ថា ក្រុមលេខ១ ពូល A (អ៊ុយរុយហ្គាយ) នឹងត្រូវប៉ះក្រុមលេខ២ ពូល B ក្នុងវគ្គ ១៦ក្រុមចុងក្រោយ រីឯក្រុមលេខ២ ពូល A (រុស្ស៊ី) ត្រូវតទល់នឹងក្រុមលេខ១ ពូល B។ ពូល B នឹងត្រូវប្រកួតកាត់សេចក្ដីយប់នេះដូចគ្នាដែរ គឺព័រទុយហ្គាល់ ជួប អ៊ីរ៉ង់ និង អេស្ប៉ាញ ប៉ះ ម៉ារ៉ុក៕

អត្ថបទ៖ សុខ សុវត្ថិ