អ៊ីស្រាអែលបាញ់មីស៊ីល ២គ្រាប់ ធ្លាក់ចូលជិតអាកាសយានដ្ឋានក្រុងដាម៉ាស់

2018-06-26 03:16:58
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

មីស៊ីលចំនួន ២គ្រាប់ ត្រូវបានរាយការណ៍ថា បានធ្លាក់ចូលក្នុងតំបន់អាកាសយានដ្ឋានក្រុងដាម៉ាស់ កាលពីយប់ថ្ងៃទី២៥ ខែមិថុនា ២០១៨។ នេះបើយោងតាមទីភ្នាក់ងារសារព័ត៌មានអារ៉ាប់របស់ស៊ីរី។

ផ្កាភ្លើងមីស៊ីលលើក្រុងដាម៉ាស់ កាលពីថ្ងៃទី១០ ខែឧសភា ២០១៨ (រូបភាព៖ Reuters)

ភ្លាមៗនេះ ពុំទាន់មានការបញ្ជាក់ថាតើមីស៊ីលនោះត្រូវបានបាញ់ស្ទាក់ ឬវាបានបាញ់ចំគោលដៅដែលបានគ្រោងទុកដោយជោគជ័យនៅឡើយទេ។ ជាមួយគ្នានេះ ក៏ពុំទាន់មានសេចក្ដីរាយការណ៍ពីការបំផ្លាញ ឬអ្នករងរបួសនោះទេ។ ក្រៅតែពីដាក់បញ្ហាលើប្រទេសអ៊ីស្រាអែល ទូរទស្សន៍រដ្ឋស៊ីរីពុំបានផ្ដល់សេចក្ដីលម្អិតពីការវាយប្រហារនោះទេ។

សេចក្ដីរាយការណ៍ស្ដីពីការវាយប្រហារដោយមីស៊ីលអ៊ីស្រាអែលចូលក្នុងក្រុងដាម៉ាស់ ជាថ្មីនេះ គឺក្រោយកងទ័ពអាកាសអ៊ីស្រាអែលបានបាញ់មីស៊ីលទម្លាក់កូនយន្តហោះដ្រូនមួយគ្រឿង ដែលហោះសំដៅទៅព្រំដែនអ៊ីស្រាអែល ចេញពីទឹកដីស៊ីរី។

ចំណែកមេបញ្ជាការកងទ័ពនៅក្រុងដាម៉ាស់ បានបញ្ជាក់ថា កូនយន្តហោះដ្រូនដែលបានចូលរួមក្នុងប្រតិបត្តិការនៅភាគខាងត្បូងប្រទេសស៊ីរី មិនដែលមានបំណងឆ្លងកាត់ចូលក្នុងប្រទេសអ៊ីស្រាអែលនោះទេ៕

ប្រភព៖ RT ប្រែសម្រួល៖ វាសនា