ក្រសួងដែនដី ដាក់ផែនការបញ្ចប់ការចុះបញ្ជីក្បាលដី នៅត្រឹមឆ្នាំ២០៣០

2018-06-27 13:12:40
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

លោក ឡៅ ទិព្វសីហា អនុរដ្ឋលេខាធិការក្រសួងរៀបចំដែនដី នគរូបនីយកម្ម និងសំណង់ បានថ្លែងឱ្យដឹងកាលពីថ្ងៃទី២៦ ខែមិថុនា ឆ្នាំ២០១៨ថា ក្រសួងនឹងបញ្ចប់ការចុះបញ្ជីក្បាលដីនៅត្រឹមឆ្នាំ ២០៣០ ដែលមានក្បាលដីសរុបជាង ៧លានក្បាលដីនៅទូទាំងប្រទេស។

លោក ឡៅ ទិព្វសីហា ថ្លែងទៅកាន់អ្នកសារព័ត៌មានកាលពីថ្ងៃទី២៦ ខែមិថុនា ឆ្នាំ២០១៨

ក្រសួងរៀបចំដែនដី បាននឹងកំពុងធ្វើការចុះបញ្ជីដីធ្លីដល់រាល់បណ្ដាខេត្ត-រាជធានីទាំងអស់ ដោយអនុវត្តនៅតាមបណ្ដាតំបន់ដែលមានសក្ដានុពលសេដ្ឋកិច្ចមុន ហើយយន្តការនៃការចុះបញ្ជីនេះ ត្រូវបានអនុវត្តដោយមន្រ្តីជំនាញរបស់ក្រសួង។

លោក ជា សុផារ៉ា រដ្ឋមន្រ្តីក្រសួងរៀបចំដែនដី នគរូបនីយកម្ម និងសំណង់ ធ្លាប់បានលើកឡើងថា យន្តការចុះបញ្ជីក្បាលដី ជាការរួមចំណែកកាត់បន្ថយការរំលោភបំពាន និងជម្លោះលើកម្មសិទ្ធិដីធ្លី។

គួរជម្រាបថា របាយការណ៍ប្រចាំឆ្នាំ២០១៧ របស់ក្រសួងរៀបចំដែនដី បានបង្ហាញផងដែរថា រាប់ពីពេលចាប់ផ្តើម រហូតដល់ដំណាច់ឆ្នាំ២០១៧ ក្រសួងបានចេញបណ្ណកម្មសិទ្ធិដីបានចំនួន ៤ ៨៨១ ៥៨២ បណ្ណ។ ក្នុងនោះចែកជួនប្រជាពលរដ្ឋបានចំនួន ៤ ៦៤៧ ៨៨៦ បណ្ណ ដែលស្មើនឹង ៦៦,៤%នៃក្បាលដីប៉ាន់ស្មានសរុប ៧លានក្បាលដី។ លទ្ធផលនេះ បើគិតធៀបតាមផែនការដែលត្រូវសម្រេចក្នុងឆ្នាំ ២០១៧ គឺលើស ០,៤%៕

អត្ថបទទាក់ទង៖ រាជរដ្ឋាភិបាល ធ្វើប្លង់រឹងបានជាង ១៥ម៉ឺន លើ ២២ម៉ឺនក្បាលដី ក្នុងរាជធានីភ្នំពេញ

អត្ថបទ៖ ឈុត សិរីឧត្តម