៧ចំណុច ធ្វើឲ្យផែនការសម្រកទម្ងន់របស់អ្នកមិនទទួលជោគជ័យ

2018-06-29 07:54:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ពាណិជ្ជកម្ម

យោងតាមទិន្នន័យរបស់អង្គការសុខភាពពិភពលោក ការឡើងទម្ងន់មានកំណើនដល់ទៅ៣ដងឯណោះក្នុងរយៈពេល៤០ឆ្នាំកន្លងមកនេះ។ ការសម្រកទម្ងន់អាចជារឿងពិបាក។ អ្នកខ្លះប្រឹងហាត់ប្រាណ ខ្លះតមអាហារ ឬធ្វើតាមវិធីផ្សេងៗរៀងៗខ្លួន។ យ៉ាងណាមិញ ពួកគេមិនបានដឹងទេថា មានចំណុចមួយចំនួនដែលមិនអាចជំរុញឲ្យផែនការបញ្ចុះទម្ងន់នោះទទួលជោគជ័យ។

ចំណុចទាំងនោះ មានដូចខាងក្រោម៖

១. ការមិនទទួលទានអាហារពេលព្រឹក

អ្នកជំនាញ បានបញ្ជាក់ថា មនុស្សដែលញ៉ាំអាហារពេលព្រឹក អាចបញ្ចុះទម្ងន់ច្រើនជាងអ្នកដែលមិនបរិភោគអ្វីសោះ។ ការរកឃើញនេះ បានសិក្សាទៅលើមនុស្សវ័យជំទង់ចំនួន ៣៥០នាក់ទៅលើរបបអាហារប្រចាំថ្ងៃរបស់ពួកគេ។ ជាទូទៅ ប្រសិនបើពួកគេមិនទទួលទាននៅពេលព្រឹក នោះពួកគេនឹងញ៉ាំច្រើននៅពេលថ្ងៃទៅវិញ។

២. ការមិនញ៉ាំទឹកឲ្យបានគ្រប់គ្រាន់

ទឹកគ្រប់គ្រាន់នៅក្នុងរាងកាយ អាចជួយដុតកាឡូរី និងជួយឲ្យការសម្រកទម្ងន់កាន់តែមានប្រសិទ្ធភាព។ ការសិក្សារកឃើញថា ការទទួលទានទឹក១ថ្ងៃបាន១លីត្រ នឹងជួយឲ្យស្រកទម្ងន់បាន ២គីឡូក្រាម ក្នុង១ឆ្នាំ។

៣. ការញ៉ាំអាហារនៅពេលយប់ជ្រៅ

កាលណាបរិភោគអាហារនៅពេលកាន់តែយប់ជ្រៅ កម្រិតនៃការដុតបំផ្លាញកាឡូរីនៅក្នុងរាងកាយកាន់តែដំណើរការមិនបានល្អ ហើយកាឡូរីដែលនៅសេសសល់នឹងត្រូវបម្លែងទៅជាជាតិខ្លាញ់។

៤. ការអត់ងងុយ

ការគេងមិនបានពេញភ្នែក ពិតជាផ្ដល់ផលប៉ះពាល់ចំពោះទម្ងន់របស់អ្នក។ ប្រសិនបើអ្នកនឿយហត់ខ្លាំង អ្នកទំនងជាបោះបង់ចោលការធ្វើលំហាត់ប្រាណ រួចចាប់ផ្ដើមទទួលអាហារសម្បូរកាឡូរីខ្ពស់ ដើម្បីបំពេញកម្លាំង។ បន្ថែមពីនេះ ការគេងមិនស្កប់ស្កល់ នឹងធ្វើឲ្យសមត្ថភាពរំលាយអាហារចុះខ្សោយ។ ជម្រើសល្អគឺគួរគេងឲ្យបានយ៉ាងតិច ៧ម៉ោងក្នុង១ថ្ងៃ។

៥. ការមិនសូវបរិភោគអាហារមានជាតិខ្លាញ់

ស្ដាប់ទៅចម្លែកមែនទេ? ប្រាកដណាស់ បើអ្នកមិនសូវញ៉ាំអាហារសម្បូរជាតិខ្លាញ់ នោះអ្នកនឹងអាចឡើងទម្ងន់លឿន។ មូលហេតុដោយសារតែអាហារដែលគ្មានជាតិខ្លាញ់ នឹងធ្វើឲ្យអ្នកឆាប់ហេវហត់ ហើយញ៉ាំកាន់តែច្រើន ដើម្បីបំពេញការស្រេកឃ្លាន។

៦. ការផឹកជាតិអាកុលច្រើនហួសកម្រិត

ការទទួលទានជាតិអាកុល អាចបណ្ដាលឲ្យអ្នកដុះក្បាលពោះ និងឡើងទម្ងន់ឆាប់រហ័ស។

៧. ការអង្គុយនៅមួយកន្លែងពេញមួយថ្ងៃ

ការអង្គុយនឹងថ្កល់មួយកន្លែង មិនជារឿងល្អសម្រាប់សុខភាពឡើយ។ ដូច្នេះហើយអ្នកគួរងើបដើរធ្វើចលនារៀងរាល់ ៦០ ទៅ ៩០នាទីម្ដង ឬបញ្ចេញកាយវិការហាត់ប្រាណតាមដែលអាចធ្វើបាននៅកន្លែងអង្គុយតែម្ដង។ បើមិនដូច្នោះទេ រាងកាយអ្នកនឹងឆាប់ឡើងទម្ងន់ជាក់ជាមិនខាន៕

ប្រភព៖ Brightside ប្រែសម្រួល៖ ឈាង.