ស្ពានអាកាសមិត្តភាពកម្ពុជា-ចិនសែនសុខ ត្រូវសម្ពោធដាក់ឲ្យប្រើប្រាស់ជាផ្លូវការ នៅព្រឹកនេះ
- 2018-07-01 23:10:20
- ចំនួនមតិ 0 | ចំនួនចែករំលែក 0
ស្ពានអាកាសមិត្តភាពកម្ពុជា-ចិនសែនសុខ ត្រូវសម្ពោធដាក់ឲ្យប្រើប្រាស់ជាផ្លូវការ នៅព្រឹកនេះ
ចន្លោះមិនឃើញ
ស្ពានអាកាសមិត្តភាពកម្ពុជា-ចិនសែនសុខ (ស្ពានស្ដុបផ្សារដីហុយ) នឹងត្រូវធ្វើពិធីសម្ពោធដាក់ឱ្យប្រើប្រាស់ជាផ្លូវការ ក្រោមអធិបតីភាពសម្តេចនាយករដ្ឋមន្រ្តី ហ៊ុន សែន នៅព្រឹកថ្ងៃទី២ ខែកក្កដា ២០១៨នេះ។ ពិធីនេះ នឹងធ្វើឡើងចាប់ពីម៉ោង ៦ព្រឹក ដល់ម៉ោង ១២ថ្ងៃត្រង់ ដោយមានអ្នកចូលរួមជាង ១ម៉ឺននាក់។
ជាមួយគ្នានេះ អាជ្ញាធររាជធានី បានណែនាំឱ្យប្រជាពលរដ្ឋ ម្ចាស់រថយន្តដឹកទំនិញគ្រប់ប្រភេទ និងម្ចាស់រថយន្តដឹកអ្នកដំណើរ ដែលត្រូវធ្វើចរាចរណ៍ចេញចូលរាជធានីភ្នំពេញ ឆ្លងកាត់ទីតាំងនេះ ត្រូវពង្វាងផ្លូវដូចខាងក្រោម៖
១. ចំពោះអ្នកធ្វើដំណើរមកពីទិសខាងលិច តាមបណ្តោយមហាវិថីសហព័ន្ធរុស្ស៊ី ពីព្រលានយន្តហោះចូលរាជធានី ត្រូវពង្វាងផ្លូវ ទៅផ្លូវលេខ២០០៤ បត់ស្តាំទៅទិសខាងត្បូង ឬផ្លូវលេខ២០១១ បត់ឆ្វេងទៅទិសខាងជើង ឬបត់ស្តាំទៅទិសខាងត្បូង តាមផ្លូវបេតុង ឆ្ពោះទៅវត្តអង្គតាមិញ។
២. ចំពោះអ្នកធ្វើដំណើរតាមបណ្តោយសហព័ន្ធរុស្ស៊ី ទិសដៅចេញក្រៅរាជធានីភ្នំពេញ ត្រូវពង្វាងផ្លូវ ដោយបត់ឆ្វេងក្រោមស្ពានអាកាស ចូលផ្លូវណ័រប្រ៊ីត ឬបត់ស្តាំត្រង់ចំណុចក្រោមស្ពានអាកាស ទៅមហាវិថីមិត្តភាពភ្នំពេញ-ហាណូយ។
៣. ចំពោះអ្នកធ្វើដំណើរពីខាងជើង ទៅទិសខាងត្បូង និងពីទិសខាងត្បូង ទៅទិសខាងជើងតាមមហាវិថីមិត្តភាពភ្នំពេញ-ហាណូយ និងផ្លូវលេខ១០១៩ (ណ័រប្រ៊ីត) ត្រង់ចំណុចក្រោមស្ពានអាកាសនេះ គឺអាជ្ញាធរអនុញ្ញាតឱ្យធ្វើចរាចរណ៍ជាម្មតា៕